Verkfræði- og náttúruvísindasvið Háskóla Íslands

Verkefnisstjóri doktorsnáms

Verkfræði- og náttúruvísindasvið Háskóla Íslands leitar að verkefnisstjóra í fullt starf innan Nemendaþjónustu sviðsins. Starfið skiptist í 60% umsjón með doktorsnámi og 40% umsjón með öðrum verkefnum innan Nemendaþjónustunnar. Verkefnisstjóri hefur það hlutverk að aðstoða nemendur og kennara sviðsins, hafa umsjón með doktorsnáminu, vinna náið með öðrum verkefnisstjórum og vera í samskiptum við bæði innlenda og erlenda háskóla og stofnanir.

Helstu verkefni og ábyrgð

Umsjón, utanumhald og eftirfylgni með doktorsnámi á sviðinu.
Þjónusta, ráðgjöf og upplýsingamiðlun til bæði nemenda og kennara.
Umsjón með umsóknum, námsferlum og vörnum doktorsnema.
Umsýsla og samskipti við andmælendur vegna doktorsvarna.
Þátttaka í þróun verkferla doktorsnáms.
Umsjón með nemendatengdum viðburðum í doktorsnámi.
Þátttaka í öðrum verkefnum innan Nemendaþjónustunnar.

Menntunar- og hæfniskröfur

Háskólapróf sem nýtist í starfi, meistarapróf er kostur.
Gott vald á upplýsingatækni og hæfni til að tileinka sér nýjungar á því sviði.
Reynsla og/eða þekking af verkefnastjórnun er kostur.
Þjónustulund, afbragðs samstarfshæfni og lipurð í mannlegum samskiptum.
Góð íslensku- og enskukunnátta í bæði ræðu og riti.
Skipulagsfærni, góð yfirsýn og frumkvæði í starfi.

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Æskilegt er að viðkomandi geti hafið störf sem fyrst.

Eftirfarandi gögn skulu fylgja umsókn:

Ferilskrá
Kynningarbréf þar sem áhuga á starfinu er lýst og fjallað um hvað umsækjandi telur sig geta lagt af mörkum til þess
Staðfest afrit af prófskírteinum
Upplýsingar um umsagnaraðila

Öllum umsóknum verður svarað og umsækjendum verður tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2.

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands.

Háskóli Íslands er gróskumikið þekkingarsamfélag og fjölbreyttur og lifandi vinnustaður. Akademískt frelsi, fagmennska og jafnrétti eru gildi skólans og er mikið lagt upp úr sveigjanleika og þátttöku starfsmanna í uppbygginu náms og rannsókna við skólann.

Á Verkfræði- og náttúruvísindasviði starfa um 400 manns sem sinna kennslu, rannsóknum og stoðþjónustu. Starfsumhverfið er alþjóðlegt og hlutfall erlendra starfsmanna og nemenda við sviðið eykst stöðugt, en um fjórðungur bæði starfsmanna og framhaldsnema eru erlendir. Á sviðinu eru um 2000 nemendur. Verkfræði- og náttúruvísindasvið leggur áherslu á fjölbreytileika og umbótasinnað umhverfi þar sem þekkingaröflun og miðlun er í fyrirrúmi.

Starfshlutfall er 100%

Nánari upplýsingar veitir: Sigríður Droplaug Jónsdóttir, Kennslustjóri Verkfræði- og náttúruvísindasviðs, netfang siggadr@hi.is eða í síma 5255167.

Auglýsing stofnuð10. maí 2024

Umsóknarfrestur17. maí 2024

Tungumálakunnátta