Verkefnastjóri skjalastjórnunarkerfa

Isavia leitar eftir skipulögðum og sjálfstæðum verkefnastjóra til að halda utan um verkefnavefi á sharepoint og önnur kerfi sem unnið er með í verkefnum. Megin hlutverk verkefnastjóra er að tryggja að samræmi sé á hvernig verkefnavefir eru upp settir og notaðir þvert á verkefni. Verkefnastjóri sér um aðgangsstýringu og ber ábyrgð á að sniðmát sé eins í öllum verkefnum. Verkefnastjóri hefur einnig hlutverk í þróun á ferlum, skipulagi og aðferðum við skjalastýringu og kemur að því að þróa hvernig einingin starfar bæði innan einingarinnar, með öðrum einingum Isavia og utanaðkomandi aðilum.

Flugvallarþróun og uppbygging er eining sem tilheyrir Viðskipta-og þróunarsviði Isavia og annast uppbyggingu á innviðum og tæknibúnaði á Keflavíkurflugvelli. Einingin skiptist í þróunardeild, verkfræðideild og framkvæmdadeild og er verkefnadrifin.