Laus störf Hæfnileit Vinnustaðir Námskeið

Umhverfis- og skipulagssvið

Á Umhverfis og skipulagssviði er unnið að fjölbreyttum verkefnum sem eiga að auðga mannlífið í borginni. Nánar má lesa um sviðið hér: https://reykjavik.is/umhverfis-og-skipulagssvid Starfsfólk umhverfis- og skipulagssviðs býr yfir einstakri fagþekkingu í þeim málaflokkum sem sviðið sinnir og gegnir lykilhlutverki í því að gera Reykjavík að enn betri borg. Leiðarljós sviðsins eru aukin lífsgæði í Reykjavík með framúrskarandi þjónustu og metnaði fyrir enn betri borg.

Vinnustaðurinn

Verkefnastjóri garða og gróðurs

Umhverfis- og skipulagssvið Reykjavíkurborgar leitar að drífandi einstaklingi með brennandi áhuga á gróðri og grænum svæðum í starf verkefnastjóra garða og gróðurs. Markmið starfsins er að stuðla að heilsusamlegum og aðlaðandi grænum svæðum í borginni, vernda náttúru og efla líffræðilegan fjölbreytileika í samræmi við stefnu Reykjavíkurborgar.

Skrifstofa umhverfisgæða undirbýr stefnumótun, forathuganir og greiningar sem lúta að gróðri, görðum, leiksvæðum og náttúru og vinnur náið með öðrum deildum borgarinnar og ytri samstarfsaðilum að mótun og framkvæmd stefnu í borgarumhverfinu.

Helstu verkefni og ábyrgð

Mótun og eftirfylgni stefnu um gróður, græn svæði og líffræðilegan fjölbreytileika í borginni.
Stjórnun og samhæfing verkefna sem lúta að undirbúningi, hönnun og þróun grænna svæða.
Ráðgjöf, greiningar og umsagnir til annarra deilda borgarinnar, kjörinna fulltrúa og annarra hagaðila í málefnum gróðurs og náttúruverndar.
Þverfagleg samvinna og þátttaka í starfshópum innan borgarinnar og með ytri samstarfsaðilum.

Menntunar- og hæfniskröfur

Háskólamenntun í landslagsarkitektúr, skipulagsfræðum, land- eða náttúrufræði, umhverfisfræðum eða sambærileg menntun.
Framhaldsmenntun á háskólastigi tengd málaflokki eða a.m.k. þriggja ára starfsreynsla.
Frumkvæði og ástríða til að leiða málaflokkinn.
Samskiptahæfni sem miðar að því að starfa í hóp og verkefnateymum.
Reynsla af opinberri stjórnsýslu kostur.
Hæfni til framsetningar og greiningar á flóknum gögnum og miðlun upplýsinga.
Íslenskukunnátta B2-C1 og enskukunnátta B1 samkvæmt samevrópskum tungumálaramma .
Góð almenn tölvukunnátta og þekking á algengum skrifstofuforritum.

Um er að ræða fjölbreytt og spennandi framtíðarstarf í faglegu starfsumhverfi þar sem áhersla er á teymisvinnu, góða þjónustu og virðingu fyrir umhverfinu.
Launakjör eru samkvæmt kjarasamningi Reykjavíkurborgar og hlutaðeigandi kjarafélags.
Nánari upplýsingar um starfið veitir Guðmundur B. Friðriksson með því að senda tölvupóst á [email protected].
Umsóknarfrestur er til og með 31.maí 2026.

Auglýsing birt20. maí 2026

Umsóknarfrestur31. maí 2026

Tungumálahæfni