Laus störf Hæfnileit Vinnustaðir Námskeið

Umhverfis- og skipulagssvið

Á Umhverfis og skipulagssviði er unnið að fjölbreyttum verkefnum sem eiga að auðga mannlífið í borginni. Nánar má lesa um sviðið hér: https://reykjavik.is/umhverfis-og-skipulagssvid Starfsfólk umhverfis- og skipulagssviðs býr yfir einstakri fagþekkingu í þeim málaflokkum sem sviðið sinnir og gegnir lykilhlutverki í því að gera Reykjavík að enn betri borg. Leiðarljós sviðsins eru aukin lífsgæði í Reykjavík með framúrskarandi þjónustu og metnaði fyrir enn betri borg.

Vinnustaðurinn

Verkefnastjóri garða og gróðurs

Umhverfis- og skipulagssvið Reykjavíkurborgar leitar að drífandi og faglegum einstaklingi með brennandi áhuga í starf verkefnastjóra garða og gróðurs á skrifstofu umhverfisgæða. Markmið starfsins er að stuðla að heilsusamlegum og aðlaðandi grænum svæðum í borginni, vernda náttúru og efla líffræðilegan fjölbreytileika í samræmi við stefnu borgaryfirvalda.

Skrifstofa umhverfisgæða starfar á vettvangi náttúruverndar, grænna svæða og líffræðilegs fjölbreytileika í borginni. Skrifstofan undirbýr stefnumótun, forathuganir og greiningar sem lúta að gróðri, görðum, leiksvæðum og náttúru og vinnur náið með öðrum deildum borgarinnar og ytri samstarfsaðilum að mótun og framkvæmd stefnu í borgarumhverfinu.

Helstu verkefni og ábyrgð

Mótun og eftirfylgni stefnu um gróður, græn svæði og líffræðilegan fjölbreytileika í borginni.
Stjórnun og samhæfing verkefna sem lúta að undirbúningi, hönnun og þróun grænna svæða.
Ráðgjöf, greiningar og umsagnir til annarra deilda borgarinnar, kjörinna fulltrúa og annarra hagaðila í málefnum gróðurs og náttúruverndar.
Þverfagleg samvinna og þátttaka í starfshópum innan borgarinnar og með ytri samstarfsaðilum.

Menntunar- og hæfniskröfur

Háskólamenntun í landslagsarkitektúr, skipulagsfræðum, land- eða náttúrufræði, umhverfisfræðum eða sambærileg menntun.
Framhaldsmenntun á háskólastigi tengd málaflokki eða a.m.k. þriggja ára starfsreynsla.
Frumkvæði og ástríða til að leiða málaflokkinn.
Samskiptahæfni sem miðar að því að starfa í hóp og verkefnateymum.
Reynsla af opinberri stjórnsýslu.
Hæfni til framsetningar og greiningar á flóknum gögnum og miðlun upplýsinga.
Íslenskukunnátta B2-C1 og enskukunnátta B1 samkvæmt samevrópskum tungumálaramma .
Góð almenn tölvukunnátta og þekking á algengum skrifstofuforritum.