Laus störf Hæfnileit Vinnustaðir Námskeið

Reykjanesbær

Reykjanesbær er fjölskylduvænn bær sem þroskar og nærir hæfileika allra í gegnum öflugt skóla-, íþrótta-, og menningarstarf. Íbúar sinna fjölbreyttum störfum í vistvænu fjölmenningarsamfélagi sem einkennist af framsækni, eldmóði og virðingu. Reykjanesbær hefur að markmiði að hafa ávallt á að skipa hæfum og ánægðum starfsmönnum sem geta sýnt frumkvæði í störfum sínum og veitt bæjarbúum framúrskarandi þjónustu. Það er sameiginlegt verkefni starfsmanna og stjórnenda sveitarfélagsins að veita bæjarbúum sem allra besta þjónustu og sú samvinna byggir á gagnkvæmu trausti og virðingu fyrir ólíkum sjónarmiðum.

Vinnustaðurinn

Velferðarsvið – Sérfræðingur í barnaverndarþjónustu / Félagsráðgjafi

Reykjanesbær leitar eftir öflugum og metnaðarfullum einstaklingum í 100% starf til að ganga til liðs við hóp metnaðarfullra sérfræðinga í barnaverndarteymi velferðarsviðs. Reykjanesbær leggur áherslu á að tryggja réttindi allra barna til öryggis, verndar og velferðar og að allir sem vinni með börnum leggi áherslu á réttindi barns og að veita börnum og fjölskyldum þeirra framúrskarandi þjónustu.

Starfið felur í sér verkefni á grundvelli barnaverndarlaga nr. 80/2002, vinnu í þágu farsældar barna skv. l.nr. 86/2021, teymisvinnu, hugmyndafræði Signs of safty og áherslu á þverfaglegt samstarf við aðra sérfræðinga sem koma að málum barna og fjölskyldna.

Reykjanesbær er fjölskylduvænn og framsækinn vinnustaður sem bíður upp á spennandi tækifæri til að taka þátt í uppbyggingu þjónustu og þverfaglegt samstarf með metnaðarfullum hópi fagmanna.

Gildi Reykjanesbæjar eru virðing, eldmóður og framsækni og mikilvægt er að viðkomandi endurspegli þau gildi í sínum störfum.

Helstu verkefni og ábyrgð

Móttaka barnaverndartilkynninga, skráning þeirra og könnun mála
Vinnsla barnaverndarmála
Vinnsla fósturmála
Ráðgjöf og stuðningur til barna og foreldra
Samþætting þjónustu
Teymisvinna og þverfaglegt samstarf við helstu samstarfsaðila barnaverndar
Virk þátttaka í uppbyggingu og þróun barnaverndarstarfs hjá sveitarfélaginu

Menntunar- og hæfniskröfur

Félagsráðgjafanám til starfsréttinda. Til greina kemur að ráða sérfræðinga með aðra menntun sem nýtist í starfi.
Viðbótarmenntun á sviði barnaverndar og farsældar barna kostur
Starfsreynsla í barnavernd er kostur
Reynsla af teymisvinnu og þverfaglegu samstarfi er æskileg
Góð íslenskukunnátta í ræðu og riti er skilyrði. Íslenskukunnátta á stigi C1 samkvæmt evrópska tungumálarammanum.
Rík þjónustulund, frumkvæði og metnaður til að veita framúrskarandi þjónustu
Geta til að vinna undir álagi er mikilvæg
Hreint sakavottorð í samræmi við lög

Fríðindi í starfi

Bókasafnskort
Gjaldfrjáls aðgangur í sund
Gjaldfrjáls aðgangur að menningarhúsum
Gjaldfrjáls aðgangur í strætó

Um er að ræða afleysingarstarf til eins árs og er æskilegt að viðkomandi geti hafið störf sem fyrst. Launakjör eru í samræmi við samning Sambands íslenskra sveitarfélaga og viðeigandi stéttarfélags.

Sótt er um á vef Reykjanesbæjar, www.reykjanesbaer.is, undir Laus störf. Umsóknum skal fylgja ferilskrá ásamt kynningarbréfi með rökstuðningi um hæfni viðkomandi í starfið, ásamt upplýsingum um umsagnaraðila. Öllum umsóknum verður svarað.

Áhugasamir einstaklingar, án tillits til kyns, eru hvattir til að sækja um.

Frekari upplýsingar um starfið veitir Hera Ósk Einarsdóttir sviðsstjóri velferðarsviðs, í gegnum netfang [email protected] og í síma 4216700.

Auglýsing birt25. september 2026

Umsóknarfrestur8. október 2026

Tungumálahæfni