Laus störf Hæfnileit Vinnustaðir Námskeið

Reykjanesbær

Reykjanesbær er fjölskylduvænn bær sem þroskar og nærir hæfileika allra í gegnum öflugt skóla-, íþrótta-, og menningarstarf. Íbúar sinna fjölbreyttum störfum í vistvænu fjölmenningarsamfélagi sem einkennist af framsækni, eldmóði og virðingu. Reykjanesbær hefur að markmiði að hafa ávallt á að skipa hæfum og ánægðum starfsmönnum sem geta sýnt frumkvæði í störfum sínum og veitt bæjarbúum framúrskarandi þjónustu. Það er sameiginlegt verkefni starfsmanna og stjórnenda sveitarfélagsins að veita bæjarbúum sem allra besta þjónustu og sú samvinna byggir á gagnkvæmu trausti og virðingu fyrir ólíkum sjónarmiðum.

Vinnustaðurinn

Velferðarsvið - Félagsráðgjafi í Virkni- og ráðgjafarteymi

Reykjanesbær leitar að öflugum og framsæknum félagsráðgjafa til að ganga til liðs við hóp metnaðarfullra sérfræðinga í virkni- og ráðgjafarteymi velferðarsviðs þar sem lögð er áhersla á mannúðlega nálgun, aukin lífsgæði og velferð þjónustunotenda.

Teymið sinnir mikilvægu starfi í þágu velferðarþjónustu við íbúa Reykjanesbæjar.

Starfið krefst víðtækrar þekkingar á sviði félagsþjónustu sem og faglegrar nálgunnar og nærgætni í málefnum þjónustunotenda velferðarsviðs.

Gildi Reykjanesbæjar eru virðing, eldmóður og framsækni og mikilvægt er að viðkomandi endurspegli þau gildi í sínum störfum.

Helstu verkefni og ábyrgð

Málstjóri og tengiliður í málefnum þjónustunotenda
Félagsleg ráðgjöf, stuðningur og eftirfylgd með málum þjónustunotenda
Móttaka og afgreiðsla umsókna um þjónustu, t.d. fjárhagsaðstoð og félagslegt leiguhúsnæði
Þverfaglegt samstarf innan og utan velferðarsviðs og Reykjanesbæjar
Þátttaka í stefnumótun og þróun umbóta í þjónustu sem styðja við starfsemi teymisins

Menntunar- og hæfniskröfur

Menntun til starfsréttinda í félagsráðgjöf eða önnur menntun sem nýtist í starfi.
Framúrskarandi hæfni í mannlegum samskiptum og sterk leiðtogafærni.
Þekking og reynsla á starfi innan félagsþjónustu sveitarfélaga mikilvæg
Þekking og reynsla af opinberri stjórnsýslu æskileg
Þekking og reynsla í málefnum innflytjenda æskileg
Þekking og reynsla á störfum með fólki með geð- og fíknivanda æskileg
Góð íslensku- og enskunnátta í mæltu og rituðu máli
Önnur tungumálakunnátta er kostur

Hlunnindi:

Bókasafnskort
Gjaldfrjáls aðgangur að menningarhúsum
Gjaldfrjáls aðgangur í sund
Gjaldfrjáls aðgangur í strætó

Um 100% starf er að ræða og er æskilegt er að viðkomandi geti hafið störf sem fyrst eða eftir samkomulagi. Launakjör eru í samræmi við samning Sambands íslenskra sveitarfélaga og viðeigandi stéttarfélags.

Sótt er um á vef Reykjanesbæjar, www.reykjanesbaer.is, undir Laus störf. Umsóknum skal fylgja ferilskrá ásamt kynningarbréfi með rökstuðningi um hæfni viðkomandi í starfið, ásamt upplýsingum um umsagnaraðila. Öllum umsóknum verður svarað.

Áhugasamir einstaklingar, án tillits til kyns, eru hvattir til að sækja um.

Frekari upplýsingar um starfið veitir Hilma Hólmfríður Sigurðardóttir, teymisstjóri virkni- og ráðgjafarteymis, netfang: [email protected] S. 4216700.

Auglýsing birt27. mars 2026

Umsóknarfrestur10. apríl 2026

Tungumálahæfni