Vefforritari á upplýsingatæknisviði Háskóla Íslands

Laust er til umsóknar fullt starf vefforritara hjá upplýsingatæknisviði Háskóla Íslands. Vefir HÍ eru í lykilhlutverki í starfsemi háskólans og gegna mikilvægu hlutverki í samskiptum við nemendur, starfsfólk og almenning. Lögð er áhersla á að vefir skólans séu aðgengilegir, notendavænir og með góða virkni og framsetningu.

Vefforritarinn mun starfa í vefhópi sem sér um þróun og viðhald vefja HÍ, en þeir eru m.a. byggðir á Drupal vefumsjónarkerfi. Starfið veitir tækifæri til að vinna að fjölbreyttum og krefjandi verkefnum í tæknilega spennandi umhverfi.

Helstu verkefni og ábyrgð

• Uppsetning, þróun og rekstur kynningarvefja háskólans

• Þarfagreining, samræming og þróun upplýsingatæknikerfa háskólans

Hæfniskröfur

• Reynsla af vefforritun

• Háskólamenntun í tölvunarfræði eða tengdu sviði er æskileg

• Þjónustulund og hæfni í samskiptum

• Góð íslensku- og enskukunnátta

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Æskilegt er að viðkomandi geti hafið störf sem fyrst, eða eftir nánara samkomulagi.

Eftirfarandi gögn skulu fylgja umsókn:

• Ferilskrá

• Bréf þar sem áhuga á starfinu er lýst og fjallað um hvað umsækjandi telur sig geta lagt af mörkum til þess

• Staðfest afrit af prófskírteinum

• Upplýsingar um umsagnaraðila

Öllum umsóknum verður svarað þegar ákvörðun um ráðningu hefur verið tekin. Umsóknir geta gilt í sex mánuði frá lokum umsóknafrests.

Við ráðningu í störf í Háskóla Íslands er tekið mið af jafnréttisáætlun skólans.

Vakin er athygli á málstefnu Háskóla Íslands.

Starfshlutfall er 100%

Umsóknarfrestur er til og með 14.04.2025

Nánari upplýsingar veitir

Guðmundur H Kjærnested, [email protected]