Laus störf Hæfnileit Vinnustaðir Námskeið

Seltjarnarnesbær

Á Seltjarnarnesi búa um 4700 manns og leggur Seltjarnarnesbær áherslu á að tryggja íbúum góða alhliða þjónustu.

Valhúsaskóli - kennsluráðgjafi í upplýsingatækni

Valhúsaskóli auglýsir eftir kennsluráðgjafa upplýsinga- og tæknimennt tímabundið í 1 ár, skólaárið 2026-2027. Starfshlutfall er 100% og ráðið verður í stöðuna frá 1. ágúst 2026.

Um er að ræða 50% í kennslu upplýsingatækni og STEM greina og 50% kennsluráðgjöf.

Helstu verkefni og ábyrgð:

Skipuleggja nám og kennslu í UT út frá Aðalnámskrá grunnskóla
Styrkja kennara í þróun kennsluhátta með áherslu á UT
Vera í nánu samstafi við safnstjóra skólasafns um mótun upplýsingamiðstöðvar.
Umsjón með tölvu- og tækjakostum skólans.
Stuðla að velferð nemenda í samstarfi við foreldra og fagfólk skólans
Vinna að þróun skólastarfs í samstarfi við stjórnendur og samstarfsfólk
Vinna eftir uppeldis- og samskiptastefnu skólans, Uppeldi til ábyrgðar
Skýr skuldbinding gagnvart stefnu og áherslum skólans
Önnur verkefni skv. starfslýsingu og sem yfirmaður felur starfsmanni

Menntunar- og hæfniskröfur

Leyfi til að nota starfsheitið grunnskólakennari
Menntun og hæfni til kennslu á yngsta- og miðstigi
Góð íslenskukunnátta skilyrði
Kennslureynsla í grunnskóla æskileg
Framúrskarandi þekkingu og áhuga UT og þróun á sviðinu
Lipurð í samskiptum, sveigjanleiki og samstarfshæfni
Faglegur metnaður og áhugi á skólaþróun
Frumkvæði og skipulögð vinnubrögð
Ánægja af starfi með börnum

Fríðindi í starfi

Sundkort
Heilsuræktarstyrkur
Bókasafnskort
Samgöngustyrkur

Í Valhúsaskóla eru um 250 nemendur í 7. – 10. bekk. Við skólann starfa um 50 manns og hefur skólinn á að skipa reynslumiklu og hæfu starfsfólki. Skólinn starfar samkvæmt hugmyndafræði Uppeldis til ábyrgðar – uppbyggingu sjálfsaga, sem stuðlar að jákvæðum samskiptum, hvetur til sjálfstæðrar hugsunar og þroskar jákvætt gildismat. Góð samskipti og samstarf starfsfólks, nemenda, foreldra og annarra samstarfsaðila er forsenda þess að vel takist til við að byggja upp gott og mannvænt samfélag. Einkunnarorð skólans eru virðing - ábyrgð - vellíðan og er lögð áhersla á að þau einkenni skólastarfið. Lögð er áhersla á samfelldan skóladag nemenda og öruggt umhverfi. Skólinn er í miklu samstarfi við Tónlistarskóla Seltjarnarness, félagsmiðstöðina Selið og íþróttafélagið Gróttu.

Vakin er athygli á að störfin henta öllum kynjum.

Launakjör eru samkvæmt kjarasamningi Sambands íslenskra sveitarfélaga við Kennarasamband Íslands.

Gerð er krafa um hreint sakavottorð við ráðningu.

Upplýsingar um starfið/störfin veitir Helga Þórdís Jónsdóttir, skólastjóri [email protected] í síma 595-9255.

Umsókn ásamt fylgiskjölum skal skilað á Ráðningarvef Seltjarnarnesbæjarundir seltjarnarnes.is - Störf í boði.

Umsóknarfrestur er til og með 15. júlí 2026.

Ráðið verður í stöðuna frá og með 1. ágúst 2026

Auglýsing birt2. júlí 2026

Umsóknarfrestur15. júlí 2026

Tungumálahæfni