Umsjónarmaður orlofsbyggðarinnar í Ölfusborgum
Sameignafélagið í Ölfusborgum óskar eftir að ráða umsjónarmann orlofsbyggðarinnar í fullt starf.
Starfið felur í sér fjölbreytt verkefni tengd umhirðu og viðhaldi orlofshúsa og umhverfis í fallegu umhverfi Ölfusborga.
Um er að ræða umsjón með 37 orlofshúsum ásamt sameiginlegum byggingum og svæðum orlofsbyggðarinnar Ölfusborgum.
Eðli starfsins krefst þess að umsjónaraðili hafi almenna verkþekkingu og fjölbreytta verklega reynslu ásamt því að geta unnið sjáflstætt og skilað af sér verkefnum af samviskusemi og vandvirkni.
Nauðsynlegt er að viðkomandi sé með ríka þjónustulund, sé fær í mannlegum samskiptum, úrræðagóður og áreiðanegur.
Reglusemi er áskilin.
Óskað er eftir að viðkomandi geti hafið störf sem fyrst.
Almennur vinnutími er frá 08:15–17:00 alla virka daga.
- Þjónusta
- Þjónusta og samskipti við gesti orlofsbúðanna
- Umsjón og eftirlit með orlofshúsum
- Aðstoð við þrif og standsetningu fyrir útleigu
- Viðhald og verkefni
- Almennt viðhald á húsum og sameiginlegum svæðum orlofsbyggðarinnar
- Greina, skipuleggja og framkvæma viðhaldsverkefni.
- Hafa umsjón og eftirlit með stærri viðhaldsverkefnum
- Samskipti við verktaka og þjónustuaðila
- Umsjón með veitukerfum
- Sláttur og lóðaumhirða
- Stjórnun og ábyrgð
- Daglegur rekstur á orlofsbúðunum
- Umsjón með starfsmönnum Orlofsbyggðar
- Skipulegga starfsemina í samvinnu við starfsfólk
- Samskipti við stjórn orlofsbúða og fulltrúa eigenda
- Gerð viðhalds og kostnaðaráætlanna, eftirfylgni og upplýsingagjöf til stjórnar.
- Menntun og reynsla
- Menntun sem nýtist í starfi
- Iðnmenntun mikill kostur
- Íslenskukunnátta er skilyrði
- Krafa um almenn ökuréttindi
- Aukin ökuréttindi og/eða vinnuvélaréttindi er kostur
- Haldbær reynsla af verkstýringu
- Reynsla af sambærilegum störfum ákjósanleg
- Hæfni
- Mikil hæfni í mannlegum samskiptum
- Þjónustulund, jákvætt og lausnamiðað viðmót
- Færni í að greina mannaflaþörf, kostnað verka og gera tímaáætlanir
- Frumkvæði og sjálfstæð vinnubrögð
- Færni í skipulagningu og forgangsröðun
-
Jákvætt viðmót og metnaður til að ná árangri
Atvinnurekandi leggur til eftirfarandi:
- Afnot af húsnæði og bifreið á starfsstöð.
- Afnot af síma, tölvu og nettengingu.
Íslenska
Enska
