Verkefnastjóri á fasteignasvið Bláa Lónsins

Fasteignasvið Bláa Lónsins óskar eftir verkefnastjóra. Verkefnastjóri heyrir undir forstöðumann sviðsins og er í daglegum samskiptum við starfsmenn deildarinnar, verktaka, birgja og starfsmenn annarra eininga fyrirtækisins.

Leitað er að framtakssömum einstaklingi með góða tölvukunnáttu. Viðkomandi þarf að vera fær í samskiptum og hafa brennandi áhuga á að taka þátt í að skapa framúrskarandi umhverfi fyrir bæði gesti og starfsfólk með því að stýra verkefnum í fasteignarekstri og -viðhaldi á árangursríkan hátt.

Fasteignasafn Bláa Lónsins nær yfir eignir í Svartsengi og víðar um land, m.a. Highland Base í Kerlingarfjöllum. Gert er ráð fyrir að Fjallaböðin í Þjórsárdal, sem áætlað er að opni 2028, bætist við safnið.

Helstu verkefni og ábyrgð

• Verkefnastjórnun viðhaldsverkefna og minni breytingarverkefna
• Móttaka, rýni og úthlutun verkbeiðna og eftirfylgni þeirra
• Þátttaka í innleiðingu umbótaverkefna

Menntunar og hæfniskröfur

• Tæknimenntun eða háskólamenntun sem nýtist í starfi.
• Reynsla af verkefnastjórnun, fasteignaumsjón eða öðru sambærilegu er kostur
• Góð tölvu- og tækniþekking

Umsóknarfrestur er til 25. nóvember

Nánari upplýsingar um starfið veita mannauðssérfræðingar Bláa Lónsins í síma 420-8800.

Bláa Lónið er lifandi og skemmtilegur vinnustaður þar sem áhersla er lögð á sífellda þróun og nýsköpun. Í boði er starf á vinnustað sem býður upp á fjölbreyttar og krefjandi áskoranir. Einnig eru ýmis fríðindi í boði, eins og heilsuræktarstyrkur, þátttaka í einu öflugasta starfsmannafélagi landsins og fleira.