Umsjónarkennari á miðstigi

Grunnskólinn í Stykkishólmi óskar eftir kennara í 100% starfshlutföll frá 1. ágúst 2026 sem hefur áhuga á að taka þátt í metnaðarfullu og fjölbreyttu skólastarfi og vinna að áframhaldandi þróun verkefna innan stoðþjónustuteymis skólans.

Við skólann eru um 190 nemendur í 1.-10. bekk og þar starfa um 50 starfsmenn í öflugu lærdómssamfélagi þar sem lögð er áhersla á samstarf, vellíðan og faglega þróun.
Í skólanum er teymiskennsla, fjölbreyttir kennsluhættir og markviss vinna samkvæmt hugmyndafræði leiðsagnarnáms, þar sem áhersla er lögð áþátttöku nemenda, skýr námsmakrið og jákvæða endurgjöf með það að markmiði að allir nemendur fái tækifæri til að ná árangri og vaxa í námi og félagsfærni.
Við leggjum áherslu á jákvæð samskipti, skapandi skólastarf og öflugt samstarf heimila og skóla.

Laun eru samkvæmt gildandi kjarasamningum
Umsókninni skal fylgja leyfisbréf, yfirlit yfir nám, fyrri störf og rökstuðningur fyrir hæfni í starfi. Umsóknum ásamt fylgigögnum skal skilað í ráðningakerfi Alfred.is

Nánari upplýsingar veitir Þóra Margrét Birgisdóttir, skólastjóri grunn- og tónlistarskóla.
[email protected] / 433-8178
Ragnar Ingi Sigurðsson, aðstoðarskólastjóri
[email protected]/433-8177

Öllum umsóknum verður svarað þegar ákvörðun um ráðningu hefur verið tekin.
Skólinn áskilur sér rétt til að framlengja umsóknarfrest

Umsóknarfrestur er til 02. júní 2026

Helstu verkefni og ábyrgð

Annast kennslu samkvæmt megin markmiðum Aðalnámskrár grunnskóla með hliðsjón af þörfum og þroska nemenda
Umsjón með daglegu skólastarfi er varðar viðkomandi umsjónarhóp
Tekur þátt í skólaþróun í samræmi við stefnu skólans og sveitarfélagsins
Stuðlar að velferð nemenda og samstarfi við foreldra og annað fagfólk
Teymisvinna
Foreldrasamskipti og samvinna heimilis og skóla
Fylgist með velferð nemenda, hluir að þeim andlega og kíkamlega í samræmi við eðli og þarfir hvers og eins svo að þeir fái notið sín sem einstaklingar.

Menntunar- og hæfniskröfur

Leyfisbréf til kennslu (leyfisbréf fylgi umsókn)
Reynsla af kennslu af mið-eða unglingastigi æskileg
Reynsla af teymiskennslu kostur
Íslenskukunnátta á stigi C1 skv evrópsa tungumálarammanum
Lipurð og færni í mannlegum samskiptum ásamt metnaði í starfi
Frumkvæði, skipulagshæfni og sjálfstæði í vinnubrögðum
Faglegur metnaður
Áhugi á skólaþróun og skapandi kennsluháttum mikilvægur
Góð þekking á upplýsingatækni mikilvæg
Reynsla í starfi í grunnskóla og/eða starfi með börnum er æskileg

Fáist ekki starfsmaður með tilhlýðilega menntun kemur til greina að ráða annan hæfan starfsmann

Sveitarfélagið Stykkishólmur er á norðanverðu Snæfellsnesi og dregur nafn sitt af þéttbýlinu Stykkishólmi sem stendur við Breiðafjörð og er rómað fyrir einstaklega fallegt bæjarstæði.
Um 1.350 manns búa í sveitafélaginu sem er innan við tveggja klukkustunda akstursfjarlægð frá höfuðborgarsvæðinu.

Þjónustustig er gott í Stykkishólmi og státar bæjarfélagið af ríkulegu íþrótta- og tómstundastarfi fyrir fólk á öllum aldri og rótgrónum mennta- og menningarstofnunum. Alla helstu grunnþjónustu er að finna á svæðinu, m.a. leikskóla, grunnskóla, tónlistarskóla og framhaldsskóla, öflugt íþróttastarf, heilsugæslu, bókasafn, lágvöruverslun og margt fleira. Þá eru atvinnuvegir fjölbreyttir og samfélagið fjölskylduvænt. Blómleg ferðaþjónusta býður ótal skemmtilega afþreyingarmöguleika fyrir heimafólk sem og gesti. Í sveitarfélaginu er fjölskrúðug og falleg náttúra og gott mannlíf. Það eru spennandi tímar og mikil uppbygging fram undan í sveitarfélaginu. Aðstaða er fyrir störf óháð staðsetningu, t.d. fyrir maka.

Auglýsing birt19. maí 2026

Umsóknarfrestur2. júní 2026

Tungumálahæfni