Amnesty International

Amnesty International er alþjóðleg hreyfing fólks sem berst fyrir því að alþjóðlega viðurkennd mannréttindi séu virt og að allir njóti verndar þeirra. Við trúum því að mannréttindabrot komi öllu fólki við, hvar svo sem þau eru framin. Félögum misbýður þau mannréttindabrot sem eiga sér stað um heim allan en sameinast í von um betri heim – og því berjast þeir fyrir auknum mannréttindum með mannréttindastarfi og alþjóðlegri samstöðu. Hlutverk Amnesty International er að sinna rannsóknum og hvetja til aðgerða til þess að hindra og binda enda á alvarleg mannréttindabrot og krefjast réttlætis fyrir þá sem hafa mátt þola slík brot. Félagar okkar og stuðningsaðilar þrýsta á stjórnvöld, stofnanir, fyrirtæki og alþjóðlegar hreyfingar. Baráttufólk í okkar röðum vinnur að mannréttindum með viðburðum af ýmsu tagi þar sem leitast er við að nýta samtakamátt félaga og almennings og beinum þrýstingi og herferðarstarfi, meðal annars á netinu.

Vinnustaðurinn

Umsjón með samfélagsmiðlum og ungliðastarfi

Við leitum að fjölhæfri manneskju sem er fær um að sjá tímabundið um tvö ólík verksvið hjá Íslandsdeild Amnesty International.

Viðkomandi ber ábyrgð á því að þróa og innleiða samfélagsmiðlastefnu deildarinnar. Starfið felur í sér að skapa efni og sjá um auglýsingar á leitarvélum og samfélagsmiðlum, samkvæmt áætlunum, verkefnum og herferðum deildarinnar.

Umsjón með ungliðahreyfingunni felur í sér skipulag og utanumhald með ungliðahreyfingu Íslandsdeildar Amnesty International. Ábyrgð á samfélagsmiðlum og markaðsmálum er varða ungliðahreyfinguna til að stuðla að nýliðun og eflingu hennar. Ábyrgð á aðgerðum á götu úti þar sem er veitt rými fyrir sköpunarkraft og hugmyndaauðgi aðgerðasinna innan ramma Amnesty International.

Athugið að um tímabundna stöðu er að ræða, til eins árs. Innan þess tíma er gert ráð fyrir um 6 vikna verkefni sem felur í sér umsjón með ungliðahreyfingu deildarinnar.

Starfstímabil ágúst 2025 - ágúst 2026.

Helstu verkefni og ábyrgð