Þjónustufulltrúi viðskiptaþjónustu innflutnings

Jónar Transport er leiðandi flutnings- og tollmiðlari á íslenska flutningamarkaðinum. Jónar hafa á að skipa reynslumiklu starfsfólki með ríka þjónustulund og frumkvæði í starfi. Gildi Jóna eru Áreiðanleiki – Frumkvæði – Þekking og Léttleiki. Við bjóðum upp á fjölbreytt starf í krefjandi umhverfi. Starfsemi Jóna samanstendur af traustum og stórum viðskiptavinahópi, öflugum samstarfsaðilum á íslandi og erlendis og framúrskarandi þjónustulund starfsmanna með mikla samskiptahæfni

Jónar Transport óska eftir að ráða þjónustufulltrúa í viðskiptaþjónustu fyrirtækisins. Í starfinu felst m.a. tilboðsgerð, utanumhald um sendingar í innflutningi, ásamt fjölmörgu öðru.

Við sækjumst eftir einstaklingi með mikla þjónustulund og góða samskiptahæfilega. Starfshlutfall er 100%. Unnið er í dagvinnu.

Menntunar- og hæfniskröfur

• Stúdentspróf, Verslunarpróf, próf frá viðskiptaskólum og/eða góð, hagnýt reynsla sem nýtist í starfi
• Reynsla af sambærilegum störfum er kostur
• Góð tölvukunnátta og hæfni til að tileinka sér nýja þekkingu
• Skipulögð, sjálfstæð og öguð vinnubrögð
• Hæfni til að vinna í teymi
• Jákvætt viðmót og góðir samskiptahæfileikar
• Mjög rík þjónustulund.
• Góð íslenskukunnátta og enskukunnátta í mæltu og rituðu máli

Helstu verkefni

• Samskipti við viðskiptavini og samstarfsaðila hér heima sem og erlendis.
• Ráðgjöf við flutninga til viðskiptavina.
• Eftirfylgni með sendingum, tilboðsgerð og tilfallandi verkefni.
• Veita framúrskarandi og persónulega þjónustu við alla viðskiptavini.

Við hvetjum áhugasama einstaklinga af öllum kynjum til þess að sækja um.

Hreint sakavottorð er skilyrði fyrir ráðningu hjá Jónar Transport.