Þjónustufulltrúi í löginnheimtu
Við leitum að skipulögðum og sjálfstæðum einstaklingi til að sinna fjölbreyttum verkefnum á sviði lögfræðilegrar innheimtu fyrir Lögheimtuna, sem er samstarfsaðili Motus í löginnheimtu.
Hjá Lögheimtunni starfar hópur sérfræðinga sem sinnir vinnslu mála á löginnheimtustigi fyrir fjölbreyttan hóp viðskiptavina. Helstu verkefni felast í skráningu mála, stefnugerð, lögfræðilegri skjalagerð á ýmsum stigum innheimtunnar og aðstoð við rekstur mála fyrir dómstólum og hjá sýslumönnum.
Þekking eða reynsla af sambærilegum verkefnum er mikill kostur.
Við bjóðum fallegan vinnustað þar sem liðsheild, góður andi og metnaður ræður ríkjum. Mikið er lagt upp úr skemmtilegu og lifandi vinnuumhverfi.
- Skráning innheimtumála
- Stefnugerð
- Lögfræðilegri skjalagerð á ýmsum stigum innheimtunnar
- Aðstoð við rekstur mála fyrir dómstólum og hjá sýslumönnum
- Góð hæfni í samskiptum og teymisvinnu
- Skipulögð og öguð vinnubrögð
- Frumkvæði, drifkraftur og jákvætt viðmót
- Góð íslenskukunnátta er skilyrði, bæði í ræðu og riti
- Hæfni og vilji til að takast á við breytingar
- Góð, almenn tölvukunnátta
- Reynsla sem nýtist í starfi er kostur
- Íþróttastyrkur
- Niðurgreiddur hádegismatur
- Ávextir, gos og annað góðgæti
- Öflugt starfsmannafélag
Um Motus:
Motus og Lögheimtan eru leiðandi fyrirtæki á sviði kröfuþjónustu og innheimtu. Hjá okkur starfar fjölbreyttur hópur fólks sem leggur sig fram um að starfa af heilindum og fagmennsku. Jafnrétti, jákvæð samskipti og gagnkvæm virðing eru grundvöllur starfseminnar. Við gætum fyllsta trúnaðar við vinnslu starfsumsókna og persónuupplýsinga.
Íslenska
Enska
