Stoð

Stoð er rótgróið þjónustufyrirtæki á heilbrigðissviði, stofnað 1982. Markmið Stoðar er að bæta lífsgæði með því að bjóða upp á heildarlausnir fyrir einstaklinga með fötlun, áverka og sjúkdóma og þá sem vilja fyrirbyggja heilsufarsvandamál. Auk þess að þjónusta og veita lausnir fyrir heilbrigðisstofnanir. Innan Stoðar starfar samhentur hópur fagfólks á heilbrigðissviði sem vinnur í sameiningu að því að finna bestu lausnirnar fyrir viðskiptavini fyrirtækisins.

Vinnustaðurinn

Þjónustufulltrúi

Stoð leitar að áhugasömum og viðmótsgóðum einstaklingi til að ganga til liðs við þjónustudeild félagsins.

Viðkomandi kemur til með að sinna margvíslegri þjónustu við viðskiptavini og samstarfsaðila Stoðar, meðal annars móttöku viðskiptavina, söluráðgjöf og úrlausn erinda sem berast í gegnum síma eða vef.

Viðkomandi þarf að vera lausnarmiðaður, hafa góða samskiptahæfni og faglega innsýn sem nýtist í ráðgjöf á heilbrigðistengdum vörum.

Við leitum að einstaklingi með jákvætt lífsviðhorf og áhuga fyrir teymisvinnu.

Helstu verkefni og ábyrgð

Móttaka viðskiptavina og ráðgjöf um vörur og heilbrigðistengdar lausnir
Upplýsingagjöf um vörur og þjónustu Stoðar
Samvinna við starfsfólk annarra deilda um úrlausn viðfangsefna
Úrlausn erinda sem berast í gegnum síma eða vef Stoðar
Ýmis tilfallandi verkefni svo sem tiltekt pantana úr vefverslun, umsjón með tímabókunum, framstilling, vörufrágangur og fleira

Menntunar- og hæfniskröfur

Menntun sem nýtist í starfi, sjúkraliðamenntun eða sambærilegt er kostur
Reynsla af störfum innan heilbrigðisgeirans og/eða áhugi á heilbrigðistengdri þjónustu
Framúrskarandi samskiptahæfni og þjónustulund
Frumkvæði, lausnarmiðuð hugsun og jákvætt lífsviðhorf
Skipulagshæfileikar og faglegur metnaður
Góð almenn tölvukunnátta

Umsóknarfrestur er til og með 14. júlí n.k.

Stefna Stoðar er að stuðla að jafnrétti og fjölbreytileika meðal starfsfólks og hvetjum við einstaklinga af öllum kynjum til að sækja um. Umsókn skal fylgja ítarleg ferilskrá og kynningarbréf þar sem fram koma ástæður þess að sótt er um starfið og rökstuðningur fyrir hæfni viðkomandi í starfið.

Nánari upplýsingar veitir Eygló Hallgrímsdóttir, deildarstjóri [email protected]

Stoð er sérhæft fyrirtæki á heilbrigðissviði fyrir öll sem þurfa stuðning við daglegar athafnir, þannig að þau geti tekið fullan þátt í samfélaginu og notið almennra lífsgæða. Hjá Stoð má finna heildstæðar lausnir sem taka mið af þörfum viðkomandi einstaklings. Fagmennska og þverfagleg samvinna, bæði innan Stoðar sem við heilbrigðisstarfsfólk utanhúss, er rótin þess að nýta þverfaglega þekkingu til að mæta þörfum viðskiptavina okkar.

Hjá Stoð starfar um 40 manna hópur sérfræðinga að því sameiginlega markmiði að styðja fólk til þátttöku í samfélaginu og aukinna lífsgæða. Meðal starfsmanna Stoðar má finna stoðtækjafræðinga, sjúkraþjálfara, iðjuþjálfa, stoðtækjasmiði, verkfræðinga, sjúkraliða, skósmiði, iðnmenntaða, vélvirkja, heilsunuddara, íþróttafræðinga, kennara og fleira.

Starfsemi Stoðar er í glæsilega innréttuðu húsnæði að Draghálsi 14-16.

Stoð er hluti af fyrirtækjasamstæðu Veritas ásamt, Artasan, Distica, MEDOR og Vistor.

Auglýsing birt7. júlí 2025

Umsóknarfrestur14. júlí 2025

Tungumálahæfni