Þjálfari í hreyfingu og heilsu óskast til starfa

Við ætlum að fjölga í teyminu og óskum eftir að ráða metnaðarfullan og áhugasaman einstakling með sterkan bakgrunn í íþróttum, þjálfun og/eða hreyfingu.

Íþróttafræðimenntun er kostur, en ekki skilyrði. Viðkomandi getur einnig haft aðra háskólamenntun, svo lengi sem viðkomandi hefur góða þekkingu, reynslu og brennandi áhuga á hreyfingu og þjálfun.

Um fullt starf eða hlutastarf er að ræða eða samkvæmt samkomulagi og unnið er á dagvinnutíma. Gott væri ef viðkomandi geti hafið störf sem fyrst.

Við leitum að einstaklingi sem hefur jákvæðni og góð samskipti að leiðarljósi, er sjálfstæður í vinnubrögðum en um leið hluti af sterku teymi.

Heilsuvernd Hjúkrunarheimili rekur tvenn hjúkrunarheimili á Akureyri. Hjá Heilsuvernd Hjúkrunarheimilum fer fram fjölbreytt og áhugaverð starfsemi í öldrunarþjónustu sem er í stöðugri þróun. Á hjúkrunarheimilunum er rekin dagþjónusta, mötuneyti, þvottahús, auk þess sem meðal annars er boðið upp á iðjuþjálfun, sjúkraþjálfun, fjölbreytt félagsstarf og læknisþjónustu. Unnið er eftir Eden hugmyndafræðinni með áherslu á sjálfstæði, góðan heimilisbrag og lífsgæði íbúanna. Markmið allrar þjónustu sem veitt er á Heilsuvernd Hjúkrunarheimilunum er að tryggja öryggi og vellíðan íbúa og standa vörð um sjálfsmynd þeirra og sjálfsvirðingu.

Hjá Heilsuvernd leggjum við okkur fram um að skapa glaðlegt og gott vinnuumhverfi, auk þess sem við leggjum mikinn metnað í að veita framúrskarandi þjónustu.