Verkfræði- og náttúruvísindasvið Háskóla Íslands

Tæknimaður við efnafræðistofu Raunvísindastofnunar Háskóla Íslands

Laust er til umsóknar fullt starf tæknimanns í efnagreiningum við efnafræðistofu Raunvísindastofnunar Háskóla Íslands. Efnafræðistofa Raunvísindastofnunar Háskólans er rannsóknavettvangur efnafræði við Háskóla Íslands og eru þar stundaðar rannsóknir á ýmsum sviðum efnafræði, til að mynda lífrænnar og ólífrænnar efnafræði, eðlisefnafræði og efnagreininga. Efnafræðistofa býr yfir öflugum tækjabúnaði til efnagreininga, t.a.m. vökvaskiljum, litrófsmælum, massagreinum og kjarnsegulgreinum.

Helstu verkefni og ábyrgð

Umsjón með efnagreiningartækjum á vegum efnafræðistofu.
Umsjón með almennu viðhaldi á tækjabúnaði og að útbúa efnalausnir.
Utanumhald um bókanir og notkun á efnagreiningatækjum.
Aðstoð við rannsakendur með notkun tækja og framkvæmd mælinga á sérhæfðari tæki.
Aðstoð við öflun tilboða og við kaup á tækjabúnaði.

Menntunar- og hæfniskröfur

Háskólagráða í efnafræði, eða skyldum greinum.
Reynsla af notkun og viðhaldi efnagreiningatækja og búnaði tengdum þeim (t.d. kjarnsegulrófstæki (e. NMR), vökvaskiljum (e. HPLC), litrófsmælum (UV-VIS), massagreinum, vakúmdælum og skilvindum).
Reynsla af notkun og viðhaldi hugbúnaðar til efnagreininga.
Sjálfstæð vinnubrögð og góð færni í mannlegum samskiptum.
Góð enskukunnátta í töluðu og rituðu máli.
Góð íslenskukunnátta er æskileg.

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Gert er ráð fyrir að starfið hefjist sem fyrst.

Eftirfarandi gögn skulu fylgja umsókn:

Ferilskrá
Kynningarbréf þar sem áhuga á starfinu er lýst og hvernig umsækjandi uppfyllir hæfniskröfur
Afrit af prófskírteinum eða eftir atvikum vottorð um námsferil
Upplýsingar um þrjá umsagnaraðila sem hafa má samband við

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í allt að sex mánuði frá lokum umsóknarfrests.

Við ráðningu í störf í Háskóla Íslands er tekið mið af jafnréttisáætlun skólans.

Vakin er athygli á málstefnu Háskóla Íslands.

Háskóli Íslands er gróskumikið þekkingarsamfélag og er fjölbreyttur og lifandi vinnustaður. Akademískt frelsi, fagmennska og jafnrétti eru gildi skólans og er mikið lagt upp úr sveigjanleika og þátttöku starfsmanna í uppbygginu náms og rannsókna við skólann. Á Verkfræði- og náttúruvísindasviði starfa um 390 manns við rannsóknir og kennslu á sviði verkfræði og náttúruvísinda. Starfsumhverfið er alþjóðlegt, þar sem fjórðungur bæði starfsfólks og framhaldsnema við sviðið eru erlendir, og það hlutfall er sífellt að aukast.

Akademískir starfsmenn með aðsetur á Raunvísindastofnun eru um 60 kennarar og sérfræðingar. Stofnunin er rannsóknarvettvangur kennara, sérfræðinga og framhaldsnema sem stunda grunnrannsóknir í raun- og jarðvísindum. Raunvísindastofnun hefur sterk alþjóðleg tengsl og mörg rannsóknarverkefni eru unnin í víðtæku samstarfi vísindamanna hérlendis og erlendis.

Starfshlutfall er 100%

Umsóknarfrestur er til og með 27.08.2025

Nánari upplýsingar veitir

Sigríður Guðrún Suman, Stofustjóri efnafræðistofu - [email protected]

Auglýsing birt21. ágúst 2025

Umsóknarfrestur27. ágúst 2025

Tungumálahæfni