Mosfellsbær

Mosfellsbær er sjöunda stærsta bæjarfélag á Íslandi með rúmlega 14.000 íbúa. Sveitarfélagið er staðsett í útjaðri höfuðborgarsvæðisins. Mosfellsbær byggir þjónustu sína á áhugasömu og hæfu starfsfólki sem hefur tækifæri til að rækta þekkingu sína og færni í jákvæðu starfsumhverfi. Mosfellsbær er öflugt og framsækið sveitarfélag þar sem gildin virðing, jákvæðni, framsækni og umhyggja eru leiðarljós starfsmanna í daglegu starfi. Hjá Mosfellsbæ starfa um 1200 starfsmenn. Fjölskylduvæn og sveigjanleg mannauðsstefna styður við þá hugmyndafræði að Mosfellsbær sé eftirsóknarverður vinnustaður þar sem atvinna og fjölskylduábyrgð fara saman. Mosfellsbær er heilsueflandi samfélag sem miðar að því að þróa samfélagslegan ramma utan um markvissa og heildræna heilsueflingu, en verkefninu er ætlað að ná til allra aldurshópa í samfélaginu, bæði íbúa og starfsmanna.

Vinnustaðurinn

Sviðsstjóri velferðarsviðs

Vilt þú hafa áhrif á velferð íbúa Mosfellsbæjar?

Mosfellsbær leitar að stjórnanda með skýra sýn og brennandi áhuga á velferðarmálum til þess að veita velferðarsviði sveitarfélagsins forystu. Sviðsstjóri heyrir beint undir bæjarstjóra og situr í yfirstjórn sveitarfélagsins.

Mosfellsbær er framsækið sveitarfélag sem hefur það markmið að vera í fremstu röð þegar kemur að velferðarþjónustu til íbúa. Sveitarfélagið leggur mikla áherslu á stafræna þróun, innleiðingu farsældarlaganna og vinnur að samþættingu heimahjúkrunar og stuðningsþjónustu í samvinnu við félags-og húsnæðismálaráðuneytið.

Helstu verkefni og ábyrgð

Stýrir starfsemi sviðsins í samræmi við lög og reglugerðir og til samræmis við stefnu Mosfellsbæjar í velferðarmálum hverju sinni

Veitir sviðinu faglega, stjórnunarlega og rekstrarlega forystu og ber ábyrgð á starfsemi þess

Ber ábyrgð á starfs- og fjárhagsáætlunum velferðarsviðs ásamt annarri áætlanagerð fyrir velferðarsvið

Tryggir faglega, samfellda og einstaklingsmiðaða þjónustu við íbúa sveitarfélagsins

Hefur umsjón með starfsemi nefnda og ráða sem heyra undir sviðið og sinnir samskiptum við bæjarstjórn, bæjarráð, önnur sveitarfélög, stofnanir og hagaðila

Hefur eftirlit með framkvæmd samninga sem í gildi eru og heyra undir sviðið

Veitir ráðgjöf og stuðning við stjórnendur á velferðarsviði

Hefur forystu um þróun og innleiðingu nýjunga á sviði velferðarþjónustu, ásamt mati á árangri og eftirliti

Stuðlar að hvetjandi og umbótasinnaðri vinnustaðamenningu þar sem verklag og ábyrgðarsvið eru vel skilgreind

Menntunar- og hæfniskröfur

Háskólamenntun sem nýtist í starfi skilyrði

Framhaldsmenntun sem nýtist í starfi æskileg

Farsæl reynsla af rekstri og stjórnun með mannaforráð skilyrði

Víðtæk þekking og reynsla af opinberri stjórnsýslu og velferðarþjónustu sveitarfélaga

Leiðtogahæfni og reynsla af breytingastjórnun

Yfirburða samskiptahæfni og þjónustumiðuð hugsun

Þekking á sviði tæknilausna, hagnýtingu gagna og nýsköpunar í velferðarþjónustu

Góð þekking á helstu upplýsingatæknikerfum

Mikið frumkvæði, skipulagshæfileikar og sjálfstæði í vinnubrögðum

Mjög góð hæfni til að tjá sig í rituðu og töluðu máli, bæði íslensku og ensku

Á velferðarsviði Mosfellsbæjar starfar fjölbreyttur hópur sérfræðinga við almenna félagsþjónustu, sértæka þjónustu við börn og fjölskyldur þeirra, fatlað fólk og aldraða. Mosfellsbær rekur alls 16 starfsstaði á sviði velferðarþjónustu, þar á meðal búsetukjarna, dagþjónustu fyrir fatlaða, félagsstarf fyrir aldraða, auk frístundaklúbbs og skammtímadvalar fyrir fötluð börn.

Umsóknarfrestur um starf sviðsstjóra er til og með 10. nóvember 2025.

Umsókn um starfið skal skilað gegnum www.alfred.is og þarf henni að fylgja starfsferilskrá og kynningarbréf (hvort tveggja á íslensku) þar sem gerð er grein fyrir ástæðu umsóknar og hæfni umsækjanda sem nýtist í starfi. Þriggja manna hæfisnefnd verður ráðgefandi í ráðningarferlinu.

Upplýsingar um starfið veitir Kristján Þór Magnússon, sviðsstjóri mannauðs- og starfsumhverfis Mosfellsbæjar á netfangið [email protected]

Mosfellsbær leggur áherslu á jafnrétti og hvetur öll áhugasöm til að sækja um starfið, óháð kyni, fötlun eða menningarlegum bakgrunni.

Auglýsing birt17. október 2025

Umsóknarfrestur10. nóvember 2025

Tungumálahæfni