Laus störf Hæfnileit Vinnustaðir Námskeið

Stykkishólmsbær

Stykkishólmur hefur á síðustu árum orðið að einum vinsælasta áfanga- og áningarstað landsins. Þar kemur margt til, ef til vill vegur þar þungt metnaður bæjarbúa fyrir að varðveita umhverfi sitt og sögu svo komandi kynslóðir fái notið þeirra á sama hátt og við gerum nú. Sú hugsun endurspeglast hvað best í miðbæ Stykkishólms sem óhætt er að vísa til sem safns gamalla húsa. Stykkishólmsbær fékk Skipulagsverðlaunin 2008, sem veitt eru af Skipulagsfræðifélagi Íslands, fyrir deiliskipulag miðbæjar, stefnu og framfylgd hennar og eru bæjarbúar ákaflega stoltir og þakklátir fyrir þá viðurkenningu.

Vinnustaðurinn

Sviðsstjóri umhverfis- og skipulagsmála

Eyja- og Miklaholtshreppur, Grundarfjarðarbær, Helgafellssveit og Stykkishólmsbær hafa sameinast um uppbyggingarverkefni innan stjórnsýslu og stofnað nýtt svið umhverfis- og skipulagsmála.

Leitað er að kraftmiklum leiðtoga til að stýra nýju sviði og leiða þróun umhverfis-, skipulags- og byggingarmála og yfirstjórn verklegra framkvæmda samstarfssveitarfélaganna.

Sviðsstjóri leiðir teymi starfsfólks sem fer með skipulags- og byggingarmál, verklegar framkvæmdir, eignaumsjón og önnur áhugaverð umhverfisverkefni og stjórnsýslu málaflokksins hjá samstarfssveitarfélögunum.

Menntunar- og hæfniskröfur

Háskólamenntun sem nýtist í starfi. Kostur ef umsækjandi hefur annað hvort réttindi til að starfa sem skipulags- eða byggingarfulltúi eða að menntun veiti umsækjanda tækifæri til að öðlast réttindi sem skipulags- eða byggingarfulltrúi í kjölfar ráðningar

Þekking á góðum stjórnsýsluháttum og haldgóð reynsla sem nýtist í starfi er kostur

Skýr framtíðarsýn um þróun málefnasviðsins hjá samstarfssveitarfélögunum. Reynsla af stefnumótun á málefnasviðinu er kostur

Reynsla af mannauðsstjórnun og verkefnastjórnun er kostur

Framúrskarandi hæfni í mannlegum samskiptum og samstarfshæfileikar

Góð tölvukunnátta og þekking á stafrænni þjónustu

Stjórnunarhæfileikar og leiðtogafærni, þ.m.t. hæfni til að leiða hóp og skapa hvetjandi starfsumhverfi fyrir starfsfólk og jákvæða þjónustuupplifun fyrir viðskiptavini

Skýr sýn um árangurs- og lausnamiðaða nálgun í starfi

Frumkvæði, fagmennska, skipulagshæfni og skilvirkni

Góð færni í íslensku

Einlægur áhugi á metnaðarfullu faglegu starfi á málefnasviðinu

Helstu verkefni og ábyrgð

Ábyrgð á daglegri starfsemi í umhverfis-, skipulags- og byggingarmálum, verklegum framkvæmdum og eignaumsjón í samstarfssveitarfélögunum, rekstri sviðsins, áætlanagerð, mannauðsmálum og stjórnsýsluframkvæmd sviðsins.

Leiðandi hlutverk í faglegri þróun þessa nýja sviðs og þátttaka í stefnumótun sveitarstjórnanna í framangreindum málaflokkum.

Tryggir að lögum um mannvirki nr. 160/2010, skipulagslögum nr. 123/2010 og öðrum lögum og reglugerðum sem varða viðfangsefni sviðsins sé framfylgt.

Samstarf og ráðgjöf við fagnefndir sveitarfélaganna og bæjarstjóra/oddvita um verkefni sviðsins.

Samskipti og fyrirsvar gagnvart íbúum, opinberum stofnunum og öðrum hagsmunaaðilum um málefni sviðsins

Umsjón með umhverfisverkefnum sveitarfélaganna, náttúruvernd, fegrun umhverfis og umhirðu, opnum svæðum, umferðar- og samgöngumálum, sorpmálum.

Leiðir stafræna þróun og miðlun sveitarfélaganna á málefnasviðinu.

Umsjón með stjórnsýslu framangreinda málaflokka.

Sviðsstjóri fer fyrir teymi góðs hóps starfsfólks samstarfssveitarfélaganna fjögurra. Samhliða þessari auglýsingu um starf sviðsstjóra er auglýst starf sérfræðings í byggingar- eða skipulagsmálum við sviðið sem verður staðgengill sviðsstjóra. Leitað er að öflugum liðsmönnum í bæði störfin, til að mynda öflugt teymi sem mun leiða starfsemi sviðsins. Við ráðningar í bæði störfin sem auglýst eru nú verður litið til heildarsamsetningar á hæfni sem þarf inn á sviðið. Þeim til aðstoðar verða tveir starfsmenn í samtals einu stöðugildi. Undir sviðsstjóra heyra ennfremur starfsmenn í áhaldahúsi og eignaumsjón Grundarfjarðarbæjar og Þjónustumiðstöð Stykkishólmsbæjar, auk þess sem sambærileg verkefni hjá Eyja- og Miklaholtshreppi og Helgafellssveit heyra undir sviðið.

- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

Launakjör eru samkvæmt kjarasamningi Sambands íslenskra sveitarfélaga og viðeigandi fagfélags.

Í umsókn skal greina frá menntun, fyrri störfum, hæfni út frá hæfnikröfum starfsins og öðru því sem umsækjandi telur máli skipta og varpað geti ljósi á færni hans til að sinna stöðu sviðsstjóra.

Umsókninni skal fylgja kynningarbréf, ferilskrá og samantekt þar sem fram koma hugmyndir umsækjanda um uppbyggingu sviðsins og þróun faglegs starfs þess.

Nánari upplýsingar um starfið veita:

Jakob Björgvin Jakobsson, bæjarstjóri Stykkishólmsbæjar
[email protected], s. 433 8100

Björg Ágústsdóttir, bæjarstjóri Grundarfjarðarbæjar
[email protected], s. 430 8500

Umsóknarfrestur er til og með 17. maí 2021.

Öllum umsóknum verður svarað.

Eyja- og Miklaholtshreppur, Grundarfjarðarbær, Helgafellssveit og Stykkishólmsbær eru fjögur af þeim fimm sveitarfélögum á Snæfellsnesi sem hlotið hafa EarthCheck umhverfisvottun í rúman áratug. Íbúar eru tæplega 2300 talsins, með þéttbýliskjarnana Grundarfjörð og Stykkishólm.

Á Snæfellsnesi er fjölskrúðug náttúra og gott mannlíf, atvinnuvegir eru fjölbreyttir og samfélagið fjölskylduvænt. Leikskólar, grunnskólar, tónlistarskólar og framhaldsskóli er á svæðinu, lágvöruverslun og góðar samgöngur. Aðstaða er fyrir störf án staðsetningar t.d. fyrir maka. Ferðatími til höfuðborgarinnar er um 1,5 - 2 klst.

Auglýsing birt10. maí 2021

Umsóknarfrestur17. maí 2021

Tungumálahæfni

Engar sérstakar tungumálakröfur

Staðsetning

Hafnargata 3, 340 Stykkishólmur

Starfstegund

Starfsgreinar

Starfsmerkingar

Sambærileg störf (12)