Sveitarfélagið Hornafjörður óskar eftir að ráða umsjónarþroskaþjálfa eða félagsráðgjafa

Sveitarfélagið Hornafjörður óskar eftir að ráða umsjónarþroskaþjálfa eða félagsráðgjafa hjá fjölskyldu- og félagsþjónustu.

Velferðarsvið Sveitarfélagsins Hornafjarðar er staðsett í Miðgarði þjónustumiðstöð. Fjölskyldu- og félagsþjónusta sinnir félagslegri ráðgjöf, ráðgjöf við börn, ungmenni og fjölskyldur þeirra, ráðgjöf við erlenda íbúa, fjölmenningu og Barnaverndarþjónustu Fjarðabyggðar og Sveitarfélagsins Hornafjarðar. Innan sviðsins starfar fjölbreyttur og öflugur hópur sem hefur það að markmiði að efla fólk til sjálfshjálpar.