Sumarstarf - Salalaug - Helgarstarf

Í Sundlauginni Versölum vinna 23 einstaklingar, 6 til 7 starfsmenn á hverri vakt. Laugin er opin virka daga frá kl. 06:30 til 22:00 og um helgar frá 08.00 til 20.00. Vinnan hefst 15 mín. fyrir opnun og lýkur 30 mín. eftir lokun. Unnið er á tveimur vöktum virka daga en einni vakt um helgar.

Helstu verkefni og ábyrgð
Skipta má störfum starfsmanna sundlaugar í þrjú svið, ÖRYGGI, ÞRIF og ÞJÓNUSTU.
Á vinnustaðnum eru þrjú megin störf sem starfsfólk þarf að leysa af hendi.
Laugarvörður sem hefur útisvæði og innlaugar sem öryggis- og þrifasvæði.
Baðvörður sem gætir öryggis og þrifa í bað- og búningsklefum.
Afgreiðsla þar sem sala í laug og á ýmsum vörum fer fram, símsvörun, upplýsingagjöf, þrif og öryggiseftirlit.
Starfsmenn fá námskeið í fyrstu hjálp, björgun og fleiru.

Hæfniskröfur
Starfsfólk sundlauga verður að vera orðið 20 ára. Góð sundkunnátta er áskilin, því laugarverðir verða að standast sundpróf, sem er svipað og 10. sundstig grunnskóla. Stundvísi, samstarfseiginleikar, reglusemi, vinnusemi, samviskusemi og þjónustulund eru eiginleikar sem við metum mikils. Sundlaugin Versölum er reyklaus vinnustaður.

Frekari upplýsingar um starfið
Launakjör eru samkvæmt kjarasamningi Kópavogsbæjar og Starfsmannafélags Kópavogs.
Starfshlutfall: 29% (mögulega 14,5%) eða 22,5%. Hvoru tveggja helgarvinna.
Starfstímabil: Frá lok maí til loka ágúst.

Unnið er aðra hverja helgi eða eina helgi í mánuði. Vinnutími frá 07:45 til 20:30, laugardag og sunnudag eða frá 11:30 til 20:30 laugardag og sunnudag.
Námskeið og þjálfun fara fram um eða upp úr miðjum maí.

Nánari upplýsingar veitir Guðmundur Halldórsson forstöðumaður í síma 441-8605