Sumarafleysingar í heima- og stuðningsþjónustu

Velferðarsvið Reykjanesbæjar óskar eftir að ráða starfsmann í sumarafleysingar í heima- og stuðningsþjónustu.

Um fjölbreytt starf er að ræða sem felur í sér félagslegan stuðning, persónulega aðstoð og stuðning við almenn heimilisstörf í heimahúsum hjá þjónustunotendum.

Um er að ræða 80% starf, ásamt aukavinnu á kvöldvöktum. Gildi Reykjanesbæjar eru virðing, eldmóður og framsækni og mikilvægt er að viðkomandi endurspegli þau gildi í sínum störfum.

Helstu verkefni:

• Að virkja notendur til virkrar þátttöku og sjálfsbjargar eins og hægt er.
• Veita stuðning við heimilishald (þrif á heimilum)
• Að veita persónulegan stuðning við athafnir daglegs lífs
• Veita félagslegan stuðning til þeirra sem á þurfa að halda, svo sem í formi samveru, búðarferða og gönguferða
• Samvinna við þjónustuþega og aðra starfsmenn

Menntunar- og hæfniskröfur:

• Félagsliðamenntun æskileg
• Reynsla af svipuðum störfum æskileg
• Jákvæðni og hæfni í mannlegum samskiptum
• Sveigjanleiki og sjálfstæði í starfi
• Góð íslenskukunnátta
• Bílpróf og aðgangur að bíl
• Hreint sakarvottorð