Reykjanesbær

Reykjanesbær er fjölskylduvænn bær sem þroskar og nærir hæfileika allra í gegnum öflugt skóla-, íþrótta-, og menningarstarf. Íbúar sinna fjölbreyttum störfum í vistvænu fjölmenningarsamfélagi sem einkennist af framsækni, eldmóði og virðingu. Reykjanesbær hefur að markmiði að hafa ávallt á að skipa hæfum og ánægðum starfsmönnum sem geta sýnt frumkvæði í störfum sínum og veitt bæjarbúum framúrskarandi þjónustu. Það er sameiginlegt verkefni starfsmanna og stjórnenda sveitarfélagsins að veita bæjarbúum sem allra besta þjónustu og sú samvinna byggir á gagnkvæmu trausti og virðingu fyrir ólíkum sjónarmiðum.

Vinnustaðurinn

Fjármála- og stjórnsýslusvið – Fulltrúi í reikningshald

Reikningshald fjármála-og stjórnsýslusviðs Reykjanesbæjar óskar eftir að ráða fulltrúa í reikningshald/bókara í fullt starf.

Fulltrúi í reikningshaldi/bókari vinnur við daglega bókhaldsvinnu Reykjanesbæjar og undirstofnana bæjarins. Sér um að halda bókhald yfir viðskipti í samræmi við bókhaldsreglur og bókhaldslög. Fulltrúi í reikningshaldi/bókari annast merkingu fylgiskjala, sér um skráningu gagna í bókhald sveitarfélagsins og sér um uppfærslu og afstemmingu á þeim. Hann sér um forskráningu og bókun innsendra reikninga á sveitarfélagið.

Launakjör eru í samræmi við samning Sambands íslenskra sveitarfélaga og viðeigandi stéttarfélags. Viðkomandi þarf að geta hafið störf sem fyrst.

Helstu verkefni og ábyrgð

Móttaka og skráning reikninga
Eftirfylgni með samþykkt reikninga
Upplýsingagjöf og þjónusta við lánadrottna og forstöðumenn stofnana
Umsjón með verkbókhaldi
Afstemmingar
Afleysing gjaldkera
Önnur tilfallandi verkefni í samráði við næsta yfirmann

Menntunar- og hæfniskröfur

Menntun sem nýtist í starfi
Viðurkenndur bókari er kostur
Reynsla af bókhaldi og þjónustu æskileg
Þekking og reynsla af NAV – Dynamics 365 BC bókhaldskerfi
Þekking og reynsla á notkun Excel
Góð samskiptahæfni, sjálfstæði í vinnubrögðum, frumkvæði og þjónustulund
Íslenskukunnátta í töluðu og rituðu máli

Gildi Reykjanesbæjar eru virðing, eldmóður og framsækni og mikilvægt er að viðkomandi endurspegli þau í sínum störfum.

Sótt er um starfið á vef Reykjanesbæjar, www.reykjanesbaer.is, undir Laus störf. Umsókn fylgi starfsferilskrá ásamt kynningarbréfi þar sem gerð er grein fyrir ástæðu umsóknar og rökstuðningur fyrir hvernig umsækjandi mætir hæfniskröfum starfsins. Öllum umsóknum verður svarað.

Áhugasamir einstaklingar, án tillits til kyns, eru hvattir til að sækja um.

Upplýsingar gefur Þorgeir Sæmundsson, deildarstjóri reikningshalds. Netfang: thorgeir.saemundsson@reykjanesbaer.is

Auglýsing stofnuð24. apríl 2024

Umsóknarfrestur7. maí 2024

Tungumálakunnátta