Stuðningsfulltrúi

Stuðningsfulltrúi vinnur með börnum á yngsta stigi sem þurfa aukinn stuðning vegna hegðunar-, tilfinninga- eða félagslegra erfiðleika.
Starfið felst meðal annars í að styðja nemendur í daglegu skólastarfi, námi, samskiptum og félagsfærni, aðstoða við að skapa fyrirsjáanlegt og öruggt skólaumhverfi og vinna með kennurum og öðru fagfólki að einstaklingsmiðaðri nálgun fyrir hvern nemanda.
Við leggjum áherslu á að starfsfólk geti myndað góð tengsl við börn, haldið ró sinni við krefjandi aðstæður og unnið af hlýju og samkennd.
Starfið er fjölbreytt og getur meðal annars falið í sér aðstoð í kennslustundum, leik og útiveru, einstaklingsstuðning, félagsfærniþjálfun og aðstoð við nemendur við að takast á við erfiðar aðstæður og komast aftur í jafnvægi.

Suðurbæjarskóli er lítið og sérhæft skólaúrræði fyrir börn á yngsta stigi sem þurfa tímabundið meiri stuðning en hægt er að veita í hefðbundnu skólaumhverfi. Við vinnum með litla nemendahópa og leggjum áherslu á einstaklingsmiðaða nálgun, góð tengsl, skýra umgjörð og náið samstarf starfsfólks.

Á vinnustaðnum starfar þverfaglegt teymi sem vinnur saman að því að skapa öruggt, fyrirsjáanlegt og uppbyggilegt umhverfi fyrir nemendur.