Fontana á Laugarvatni er lifandi og fjölbreyttur vinnustaður þar sem fólk vinnur saman í fallegu umhverfi og sterkum tengslum við nærsamfélagið. Hér starfar samhentur hópur fólks í ólíkum störfum sem öll eiga það sameiginlegt að skapa góða upplifun fyrir gesti og samstarfsfólk. Fontana er að opna aftur eftir miklar breytingar, vinnuaðstaðan er því öll ný, mjög fallega hönnuð og aðbúnaður eins og best verður á kosið. Störfin í Fontana eru fjölbreytt, meðal annars í afgreiðslu, sundlaugargæslu og leiðsögn þar sem hæfni til samskipta og þjónustulund skipta miklu máli. Einnig eru störf tengd þrifum, eldamennsku, bakstri og daglegum rekstri baðlóns og veitingasvæðis. Verkefnin eru ólík og enginn dagur alveg eins. Fontana er eitt elsta gufubað landsins og hér mætast saga og nútími. Hefðin er áþreifanleg í húsnæði, vinnubrögðum og stemningu og nýir starfsmenn verða hluti af þeirri sögu. Áhersla er lögð á gott vinnuumhverfi, samvinnu og virðingu. Starfsfólk Fontana nýtur góðrar aðstöðu til hreyfingar og heilsuræktar, þar á meðal sundlaugar, líkamsræktar og íþróttasalar, auk frábærra möguleika til útivistar allt árið. Í boði er húsnæði fyrir starfsmenn. Laugarvatn er lítið og notalegt samfélag þar sem flestir þekkjast. Verslun, veitingastaðir og þjónusta eru á svæðinu og stutt er bæði í Selfoss og Reykjavík. Fontana er því kjörinn vinnustaður fyrir fólk sem vill vinna í góðum hópi, í fallegu umhverfi og vera hluti af virku samfélagi.