Starfsmaður í afgreiðsludeild

Menntasjóður námsmanna (MSNM) óskar eftir að ráða öflugan einstakling í starf í afgreiðsludeild sjóðsins. Um fullt starf er að ræða og eru verkefnin fjölbreytt.

Helstu verkefni:

• Móttaka viðskiptavina
• Svörun almennra fyrirspurna í móttöku sjóðsins
• Flokkun, skönnun og skráning skjala og tölvupósts
• Símsvörun á skiptiborði

Menntunar- og hæfniskröfur:

• Stúdentspróf eða önnur sambærileg menntun
• Þjónustulund, jákvæðni og lipurð í mannlegum samskiptum
• Frumkvæði, sjálfstæði og skipulögð vinnubrögð
• Góð tölvukunnátta og færni í íslensku í ræðu og riti

Menntasjóður námsmanna er félagslegur jöfnunarsjóður sem hefur það að markmiði að tryggja námsmönnum í lánshæfu námi jöfn tækifæri til náms, án tillits til efnahags og stöðu að öðru leyti, með því að veita námsmönnum fjárhagslega aðstoð í formi námslána og styrkja. Hjá MSNM starfa um 40 starfsmenn. Gildi sjóðsins eru: fagmennska, samstarf og framsækni.

Umsóknarfrestur er til og með 17. maí 2022. Umsókn óskast fyllt út á www.intellecta.is og þarf henni að fylgja starfsferilskrá og ítarlegt kynningarbréf (hvort tveggja á íslensku), þar sem gerð er grein fyrir ástæðu umsóknar og hæfni umsækjanda sem nýtist í starfi. Áhugasamir einstaklingar, óháð kyni, eru hvattir til að sækja um starfið. Laun eru samkvæmt kjarasamningi fjármála- og efnahagsráðherra við Fræðagarð stéttarfélag. Athygli er vakin á því að umsóknir geta gilt í sex mánuði frá því að umsóknarfrestur rennur út. Öllum umsóknum verður svarað þegar ákvörðun um ráðningu hefur verið tekin.

Upplýsingar veita Thelma Kristín Kvaran ([email protected]) og Hafdís Ósk Pétursdóttir ([email protected]) í síma 511 1225.