Laus störf Hæfnileit Vinnustaðir Námskeið

Skatturinn

Skatturinn fer með álagningu og innheimtu skatta, gjalda og tolla auk þess að sinna eftirliti með skattskilum og viðskiptum og flutningum yfir landamæri.

Vinnustaðurinn

Starf í stoðþjónustu í fyrirtækja- og ársreikningaskrá

Við leitum að öflugum og metnaðarfullum einstaklingi til að ganga til liðs við okkur í fyrirtækja- og ársreikningaskrá í höfuðstöðvum Skattsins í Katrínartúni í Reykjavík. Fyrirtækja- og ársreikningaskrá er eining innan innheimtu- og skráasviðs en í starfinu felst móttaka, yfirferð og skráning gagna, auk upplýsingagjafar til viðskiptavina.

Skatturinn er framsækinn vinnustaður sem gegnir lykilhlutverki við tekjuöflun ríkis og sveitarfélaga. Með virku eftirliti, rannsóknum og tollgæslu stuðlum við að jafnræði og virkri samkeppni og vernd við samfélagið. Gildi Skattsins eru fagmennska, framsækni og samvinna.

Helstu verkefni og ábyrgð

Nýskráningar félaga og skráning aukatilkynninga
Upplýsingagjöf í síma og tölvupósti
Útgáfa vottorða
Önnur verkefni sem til falla

Menntunar- og hæfniskröfur

Stúdentspróf, eða sambærilegt
Gott vald á íslensku og ensku í töluðu og rituðu máli
Fáguð framkoma, jákvæðni, þjónustulund og lipurð í mannlegum samskiptum
Frumkvæði og metnaður til að ná árangri í starfi
Skipulögð, nákvæm og sjálfstæð vinnubrögð
Hreint sakavottorð

Laun eru samkvæmt kjarasamningi sem fjármála- og efnahagsráðherra og Sameykis.

Umsókn skal fylgja ferilskrá, auk kynningarbréfs, sem inniheldur ítarlegar upplýsingar m.a. um menntun, fyrri störf, umsagnaraðila og annað er máli skiptir. Umsækjendum um störf hjá Skattinum kann að vera gert að leysa verkefni í ráðningarferlinu sem kæmu, auk annarra þátta, heildstætt inn í mat á hæfni þeirra til viðkomandi starfa.

Öllum umsóknum svarað þegar ákvörðun hefur verið tekin um ráðningar. Umsóknir geta gilt í allt að 6 mánuði að loknum umsóknarfresti.

Auglýsing birt17. febrúar 2026

Umsóknarfrestur27. febrúar 2026

Tungumálahæfni