Laus störf Hæfnileit Vinnustaðir Námskeið

Skatturinn

Skatturinn fer með álagningu og innheimtu skatta, gjalda og tolla auk þess að sinna eftirliti með skattskilum og viðskiptum og flutningum yfir landamæri.

Vinnustaðurinn

Sérfræðingur í skjalastjórn

Við leitum að öflugum og metnaðarfullum sérfræðingi í skjalastjórn til að ganga til liðs við okkur í höfuðstöðvum Skattsins í Katrínartúni í Reykjavík. Um er að ræða starf til eins árs vegna afleysingar.

Skatturinn er framsækinn vinnustaður sem gegnir lykilhlutverki við tekjuöflun ríkis og sveitarfélaga. Með virku eftirliti, rannsóknum og tollgæslu stuðlum við að jafnræði og virkri samkeppni og vernd við samfélagið. Gildi Skattsins eru fagmennska, framsækni og samvinna.

Helstu verkefni og ábyrgð

Ábyrgð á skjalastjórn Skattsins
Umsjón með GoPro Foris skjalastjórnunarkerfi
Umsjón með skráningu, varðveislu og miðlun skjala þ.m.t. skil Þjóðskjalasafns
Ráðgjöf og stuðningur við starfsfólk varðandi skjölun

Menntunar- og hæfniskröfur

Háskólapróf sem nýtist í starfi, t.a.m. á sviði bókasafns- og upplýsingafræði
Góð tölvukunnátta
Reynsla af skjalastjórn æskileg
Reynsla af því að starfa að kerfisumsjón í GoPro Foris er kostur
Góð færni í mannlegum samskiptum og hæfni til að vinna í nánu samstarfi við aðra sérfræðinga
Frumkvæði og metnaður til að ná árangri í starfi
Skipulögð, nákvæm og sjálfstæð vinnubrögð
Hreint sakavottorð

Umsókn skal fylgja ferilskrá, auk kynningarbréfs, sem inniheldur ítarlegar upplýsingar m.a. um menntun, fyrri störf, umsagnaraðila og annað er máli skiptir. Umsækjendum um störf hjá Skattinum kann að vera gert að leysa verkefni í ráðningarferlinu sem kæmu, auk annarra þátta, heildstætt inn í mat á hæfni þeirra til viðkomandi starfa.

Öllum umsóknum svarað þegar ákvörðun hefur verið tekin um ráðningar. Umsóknir geta gilt í allt að 6 mánuði að loknum umsóknarfresti.

Auglýsing birt16. febrúar 2026

Umsóknarfrestur26. febrúar 2026

Tungumálahæfni