LV er leiðandi lífeyrissjóður sem byggir trausta fjárhagslega framtíð sjóðfélaga. Fjármunir sjóðfélaga eru ávaxtaðir með gagnssæjum og ábyrgum hætti med samfélagslega ábyrgð að leiðarljósi. Hjá sjóðnum starfar 56 manna samhent liðsheild þar sem hver og einn nær að nýta hæfileika sína og þekkingu til að sinna krefjandi verkefnum. Áhersla er lögð á fagleg vinnubrögð, þverfaglegt samstarf, góð samskipti, frumkvæði og hæfni til að laga sig að síbreytilegu umhverfi. LV býður upp á góða starfsaðstöðu þar sem ríkir góður starfsandi í starfsumhverfi þar sem áhersla er meðal annars lögð á jafnrétti og jafnvægi á milli vinnu og einkalífs. LV hefur hlotið jafnlaunavottun.