Snyrtivöruráðgjafi í nýrri L’Occitane & SkincareLab verslun í Smáralind

Við opnum glæsilega, nýja verslun í Smáralind þar sem franska lúxusvörumerkið L’Occitane sameinast SkincareLab, sem býður upp á spennandi og vandaðar húðvörur frá vinsælum alþjóðlegum merkjum á borð við Erborian, Novexpert, Löwengrip, Xlash og fleiri.

Við leitum að metnaðarfullum og þjónustulunduðum einstaklingi sem brennur fyrir snyrtivörum og vill taka virkan þátt í að skapa einstaka upplifun fyrir viðskiptavini – bæði í verslun og gegnum stafræna snertifleti. Ef þú hefur áhuga á heimi húðumhirðu, býrð yfir frábærri samskiptahæfni og hefur gaman af teymisvinnu, þá er þetta draumastarfið fyrir þig.

Starfshlutfall er um 90% og er vinnutími á virkum dögum breytilegur á tímabilinu frá kl. 10:30–19:00 og annan hvern laugardag.

Í versluninni starfar samhentur hópur fólks sem deilir ástríðu fyrir náttúrulegri fegurð, nútímalegri húðvörurútínu og frábærri þjónustu. Við leggjum áherslu á hlýlegt viðmót, þekkingu á vörum og sterka tengingu við viðskiptavini.

Við hvetjum öll áhugasöm – óháð kyni – til að sækja um og verða hluti af nýju og spennandi verkefni með alþjóðlegum og vaxandi vörumerkjum.