Laus störf Hæfnileit Vinnustaðir Námskeið

Þingeyjarsveit

Þingeyjarsveit er landmesta sveitarfélag landsins og státar af einstakri náttúrufegurð og náttúruauðlindum. Sveitarfélagið er sannkölluð útivistarparadís. Atvinnulífið er öflugt með fjölbreyttum möguleikum, m.a. í ferðaþjónustu, landbúnaði og matvælaframleiðslu. Aðstaða er fyrir hendi fyrir störf án staðsetningar. Þingeyjarsveit leggur áherslu á umhverfismál og sjálfbæra nýtingu auðlinda ásamt blómlegu mannlífi. Þingeyjarsveit er ákjósanlegur búsetukostur fyrir þá sem kjósa gott mannlíf, friðsæld í fagurri sveit með nálægð við stóra þéttbýlisstaði.

Vinnustaðurinn

SKÓLASTJÓRI

Laus er til umsóknar staða skólastjóra við Stórutjarnaskóla í Þingeyjarsveit.

Leitað er að drífandi og traustum einstaklingi með góða þekkingu á skólastarfi til að leiða skapandi skólastarf og virkja þátttöku skólans í samfélagslegum nýsköpunarverkefnum í anda sjálfbærrar þróunar.

Helstu verkefni og ábyrgð

Fagleg forysta og þróun skólastarfs í samræmi við lög um grunnskóla, aðalnámskrá grunnskóla og skólastefnu Þingeyjarsveitar
Daglegur rekstur, stjórnun og starfsmannamál
Leiða starf í framsæknu skólasamfélagi sem nýtir styrkleika sem felast í fjölbreyttri náttúru og sterku samfélagi
Samstarf við aðila innan skólasamfélagsins
Önnur verkefni í samráði við yfirmann

Menntunar- og hæfniskröfur

Leyfisbréf sem kennari og starfsreynsla á sviði kennslu
Framhaldsmenntun sem nýtist í starfi t.d. á sviði stjórnunar og/eða uppeldis- eða menntunarfræða er kostur
Reynsla af stjórnun, stefnumótun og áætlanagerð
Áhugi og reynsla af skólaþróun og framsæknu skólastarfi
Sjálfstæði í vinnubrögðum og skipulagshæfni
Hugmyndaauðgi og frumkvæði
Góð færni í samskiptum og leiðtogahæfileikar
Mjög góð íslenskukunnátta í töluðu og rituðu máli

Stórutjarnaskóli stendur í Ljósavatnsskarði í um 20 mínútna akstursfjarlægt frá Akureyri. Stórutjarnaskóli er samrekinn leik-, grunn- og tónlistarskóli með um 45 nemendur frá eins árs til 16 ára aldurs og 24 starfsmenn. Öll starfsemi skólans er í sama húsnæði.

Skólinn er Grænfánaskóli og Heilsueflandiskóli.

Unnið er í teymum og verið er að innleiða leiðsagnarnám. Lögð er áhersla á að búa nemendum og starfsfólki fjölbreytt leik-, náms- og starfsumhverfi sem eflir alhliða heilsu og þroska. Mikið samstarf er milli námshópa innan skólans og er skólinn í góðu samstarfi við nágrannaskóla sína og samfélagið í sveitinni.

Þingeyjarsveit er víðfeðmasta sveitarfélag landsins með tæplega 1.600 íbúa og státar af einstakri náttúrufegurð og náttúruauðlindum. Sveitarfélagið er sannkölluð útivistarparadís. Þingeyjarsveit leggur áherslu á blómlegt mannlíf, umhverfismál og sjálfbæra nýtingu auðlinda ásamt.

Sótt er um á www.mognum.is

Umsóknarfrestur er til og með 13. mars 2026

Umsókn skal fylgja starfsferilskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni umsækjanda. Við ráðningu eru jafnréttissjónarmið jafngild öðrum málefnalegum sjónarmiðum og hvetjum við áhugasama að sækja um, óháð kyni og uppruna. Þingeyjarsveit áskilur sér rétt til að hafna öllum umsóknum.

Nánari upplýsingar veita:

Telma Eiðsdóttir I [email protected]

Sigríður Ólafsdóttir I [email protected]

Auglýsing birt27. febrúar 2026

Umsóknarfrestur13. mars 2026

Tungumálahæfni