Skipulagður aðstoðarmaður óskast
Ég er 45 ára maður með hreyfihömlun og sjónskerðingu. Ég er að leita að persónulegu aðstoðarfólki til að aðstoða mig með mitt daglega líf eins og þrif, matarinnkaup, eldamennsku og annarra persónulegra þarfa. Einnig er ég virkur í félagsstörfum og stefni á að fara reglulega á fundi eða viðburði. Ég hef mikinn áhuga á menningu, listum og bókmenntum og gott væri ef umsækjandi væri á sömu nótum.
Starfið byggist á hugmyndafræðinni um sjálfstætt líf og NPA sem má kynna sér á www.npa.is.
Um er að ræða hlutastarf og eru laun samkvæmt sérkjarasamningi NPA miðstöðvarinnar og Eflingar stéttarfélags.
Umsækjandi þarf að vera reyklaus, með bílpróf og hreint sakavottorð. Í starfi sem þessu er traust, virðing, jákvæðni, þolinmæði og stundvísi mikilvægir kostir.
