Sjúkraþjálfari óskast til starfa

Heilsuvernd er skipuð sérhæfðu og metnaðarfullu starfsfólki sem leggur áherslu á faglega og framúrskarandi þjónustu. Heilsuvernd er einkarekið og ört stækkandi fyrirtæki í heilbrigðisþjónustu sem hefur sérhæft sig í heilsu- og vinnuverndarstörfum, almennri heilsugæsluþjónustu og heilbrigðisþjónustu fyrir hjúkrunarheimili. Markmið Heilsuverndar er að hafa jákvæð áhrif á lífsgæði fólks og efla heilbrigði og vellíðan.

Við ætlum að fjölga í teyminu og óskum því eftir að ráða metnaðarfullan sjúkraþjálfara tengt heilsu- ,vinnuverndar-, og öldrunarþjónustu. Við leitum að einstaklingi sem hefur jákvæðni og góð samskipti að leiðarljósi, er sjálfstæður í vinnubrögðum en um leið hluti af sterku teymi. Ef þú ert árangursdrifinn og metnaðarfullur sjúkraþjálfari, tilbúinn að takast á við áskoranir þá gæti þetta verið tækifæri fyrir þig.

Um er að ræða stöðugildi þar sem starfshlutfall getur verið á bilinu 70-100% þar sem unnið er á dagvinnutíma og er starfsaðstaða í Urðarhvarfi í Kópavogi og á Vífilsstöðum í Garðabæ.

Hjá Heilsuvernd leggjum við okkur fram um að skapa glaðlegt og gott vinnuumhverfi, þar sem jákvæðni, góð samskipti og lipurð í þjónustu er ríkjandi auk þess sem við leggjum mikinn metnað í að veita framúrskarandi og faglega þjónustu.