Sérkennslustjóri - Leikskólinn Grænaborg

Leikskólinn Grænaborg í Suðurnesjabæ leitar að metnaðarfullum og framsæknum sérkennslustjóra sem hefur brennandi áhuga á velferð og þroska barna og vill leiða faglegt starf í sérkennslu.

Leikskólinn er sex deilda leikskóli þar sem lögð er áhersla m.a. á að efla styrkleika barna með hreyfingu, náttúru, sköpun og útiveru að leiðarljósi. Í skólanum eru börn á aldrinum 18 mánaða til grunnskólaaldurs.

Leikskólinn er staðsettur í nýlegu og vel búnu húsnæði við Byggðaveg í Sandgerði, umkringdur fallegri náttúru sem nýtist vel í daglegu starfi með börnunum. Starfsmannahópurinn telur um 40 starfsmenn og í skólanum eru allt að 134 börn.

Helstu verkefni og ábyrgð:

• Ber ábyrgð á og stjórnar skipulagningu, framkvæmd og endurmati sérkennslunnar í leikskólanum ásamt leikskólastjóra.
• Er faglegur umsjónarmaður sérkennslu í leikskólum, annast frumgreiningu og ráðgjöf til annarra starfsmanna leikskóla
• Ber ábyrgð á nánu samstarfi og miðlun upplýsinga milli sérkennsluráðgjafa/sérkennslufulltrúa leikskóla og starfsmanna leikskólans.
• Hefur umsjón með uppeldis- og námsgögnum leikskólans sem tengjast sérkennslu.
• Hefur yfirumsjón með gerð verkefna og ber ábyrgð á gerð einstaklingsnámskráa fyrir börn sem njóta sérkennslu.
• Hefur yfirumsjón með að áherslum um kennslu annarra sérfræðinga sé framfylgt í leikskólanum og að skýrslur séu gerðar.
• Vinnur í nánu samstarfi við foreldra/forráðamenn barna sem njóta sérkennslu í leikskólanum og situr fundi og viðtöl með þeim. Veitir þeim stuðning, fræðslu og ráðgjöf.
• Sinnir þeim verkefnum er varða sérkennslu sem yfirmaður felur honum.

Hæfniskröfur:

• Háskólamenntun sem nýtist í starfi.
• Þekking og/eða reynsa af sérkennslu og stuðningi við börn með fjölbreyttar þarfir er kostur.
• Reynsa af starfi með börnum á leikskólaaldri.
• Þekking á gerð einstaklingsnámsskráa, skráningu og mati á framförum er kostur.
• Góð hæfni í samskiptim og samstarfi við börn, foreldra, starfsfólk og sérfræðinga.
• Frumkvæði, skipulagshæfni og sjálfstæði í vinnubrögðum.
• Góð íslenskukunnátta og hæfni til að miðla upplýsingum í ræðu og riti.

Skilyrði fyrir ráðningu er hreint sakarvottorð.

Launakjör eru samkvæmt gildandi kjarasamningi Sambands íslenskra sveitarfélaga og viðkomandi stéttarfélags .

Umsóknarfrestur er til og með 4.október 2026.

Nánari upplýsingar um starfið veitir Arnbjörg Elsa Hannesdóttir, leikskólastjóri, í tölvupósti á netfangið [email protected]

Áhugasamir einstaklingar, óháð kyni, eru hvattir til að sækja um. Öllum umsóknum verður svarað þegar ákvörðun um ráðningu hefur verið tekin.