Laus störf Hæfnileit Vinnustaðir Námskeið

Efstihjalli

Leikskólinn Efstihjalli er fimm deilda leikskóli í austurbæ Kópavogs og er staðsettur við Efstahjalla 2. Leikskólinn er í grónu hverfi í göngufæri við Fossvogsdal, Kópavogsdal og Digraneshæð. Í skólanum er stuðst við þrjá stólpa í öllu starfi, fjölmenningu, Barnasáttmála Sameinuðu þjóðanna og sköpun í allri sinni mynd. Samskipti eru grunnurinn sem halda stólpunum uppi. Málörvun og málrækt er svo rauði þráðurinn í gegnum allt starfið. Leikurinn í allri sinni fjölbreytni, inni sem og úti, er kjarninn í leikskólastarfinu og helsta námsleið barnanna. Í leiknum styrkist meðal annars sjálfsmynd barnanna, félagsfærni eflist og undirbúningur fyrir formlegt nám er mikill. Efstihjalli er ríkur af fjölbreyttum tungumálum og menningarlegum bakgrunni og er það jafnframt einn af styrkleikum skólans. Stefna leikskólans er að byggja upp einstaklinga sem eru: glaðir og sjálfsöruggir, hafa trú á eigin getu, sýna hjálpsemi og ábyrgðarkennd, bera virðingu fyrir sjálfum sér og öðrum óháð trúar- eða lífsviðhorfum, kynþætti, uppruna, menningu og/ eða atgervi.

Vinnustaðurinn

Sérkennslustjóri í leikskólann Efstahjalla

Leikskólinn Efstihjalli er fimm deilda leikskóli. Í leikskólanum eru 97 börn á aldrinum eins til sex ára. Við leitum eftir áhugasömum einstaklingi sem hefur metnað fyrir starfinu. Eitt af meginverkefnum sérkennslustjóra er að vera faglegur umsjónamaður sérkennslu í leikskólanum.

Leikskólinn er í grónu hverfi í göngufæri við Fossvogsdal, Kópavogsdal og Digraneshæð. Áherslur í starfinu eru á leikinn í allri sinni fjölbreytni, félagsfærni barnanna og hreyfingu.

Menntunar- og hæfniskröfur

Leikskólakennaramenntun
Æskilegt er að viðkomandi hafi framhaldsnám í sérkennslufræðum eða öðru því sem nýtist í starfi
Reynsla af stjórnun leikskóla kostur
Frumkvæði í starfi, jákvæðni og að geta unnið sjálfstætt
Hæfni í mannlegum samskiptum

Helstu verkefni og ábyrgð

Ber ábyrgð á og stjórnar skipulagningu, framkvæmd og endurmati sérkennslunnar í leikskólanum ásamt leikskólastjóra
Er faglegur umsjónarmaður sérkennslu í leikskólanum, annast frumgreiningu og ráðgjöf til annarra starfsmanna leikskóla
Vinnur í nánu samstarfi við deildastjóra, foreldra/forráðamenn barna sem njóta sérkennslu í leikskólanum og situr fundi og viðtöl með þeim

Ráðningartími og starfshlutfall