Laus störf Hæfnileit Vinnustaðir Námskeið

Náttúruverndarstofnun

Náttúruverndarstofnun tók til starfa þann 1. janúar 2025 og tekur stofnunin við starfsemi Vatnajökulsþjóðgarðs og þeim hluta Umhverfisstofnunar er lýtur að náttúruvernd og lífríkis- og veiðistjórnun. Stofnunin fer með stjórnsýslu, eftirlit og önnur verkefni á sviði náttúruverndar og sjálfbærrar þróunar og friðlýstra svæða, vernd villtra fugla og spendýra og veiðistjórnunar. Þá sinnir stofnunin samhæfingu í skipulagi svæðisbundinnar stjórnunar og verndar og eftirliti á ofangreindum sviðum.

Vinnustaðurinn

Sérfræðingur í þjónustu og miðlun

Náttúruverndarstofnun óskar eftir að ráða jákvæðan og þjónustulundaðan einstakling til að hafa umsjón með þjónustu við gesti Vatnajökulsþjóðgarðs sem heimsækja Snæfellsstofu á Skriðuklaustri. Starfið er fjölbreytt og áhugavert og felst meðal annars í umsjón með daglegum rekstri Snæfellsstofu, fræðslu, miðlun og móttöku gesta.

Sérfræðingurinn heyrir beint undir þjóðgarðsvörð austursvæðis Vatnajökulsþjóðgarðs og hefur starfsaðstöðu í Snæfellsstofu og á Egilsstöðum. Um áhugavert heilsársstarf er að ræða.

Helstu verkefni og ábyrgð

Daglegur rekstur og umsjón Snæfellsstofu
Umsjón með minjagripasölu og uppgjöri
Þjálfun og dagleg umsjón með starfsfólki í Snæfellsstofu
Móttaka gesta og viðburðastjórnun
Samskipti við hagsmunaaðila
Gerð og miðlun fræðslu- og upplýsingaefnis og samstarf þvert á stofnunina
Umsjón fræðslusýningar
Umsjón með samfélagsmiðlum og markaðsetningu Snæfellsstofu og austursvæðis Vatnajökulsþjóðgarðs
Önnur tilfallandi verkefni.

Menntunar- og hæfniskröfur

Menntun sem nýtist í starfi
Reynsla eða þekking á fræðslu-, margmiðlunar- og/eða markaðsmálum er kostur
Jákvæðni og lausnamiðuð hugsun
Góð samskiptafærni og þjónustulund
Gott skipulag og geta til að fylgja málum eftir
Frumkvæði og sjálfstæði í starfi
Reynsla af landvörslu er kostur
Góð íslensku- og enskukunnátta í ræðu og riti
Þekking, reynsla og áhugi á umhverfismálum, náttúrufræði og útivist er kostur
Góð staðþekking er kostur

Um er að ræða 100% starf. Unnið er í dagvinnu auk helgarvinnu stöku sinnum.

Vinsamlegast látið ferliskrá og kynningarbréf þar sem færð eru rök fyrir hæfni í starfið fylgja með umsókninni.

Umsóknarfrestur er til og með 21. apríl.
Við hvetjum áhugasöm til að sækja um óháð kyni og uppruna.
Öllum umsóknum verður svarað þegar ákvörðun um ráðningu verður tekin.

Um Náttúruverndarstofnun:

Stofnunin hefur víðtækt hlutverk í náttúruvernd, sjálfbærri þróun og vernd friðlýstra svæða ásamt umsjón með villtum dýrum og veiðistjórnun. Markmið hennar er að tryggja að náttúra Íslands njóti verndar til framtíðar. Hjá Náttúruverndarstofnun starfar samheldinn hópur starfsfólks með fjölbreytta reynslu, sem sinnir margvíslegum verkefnum tengdum náttúruvernd og þjónustu við gesti þjóðgarða og annarra friðlýstra svæða. Starfsstöðvar stofnunarinnar eru 16 talsins um allt land.

Auglýsing birt8. apríl 2026

Umsóknarfrestur21. apríl 2026

Tungumálahæfni