Sérfræðingur í stöðugleikamælingum

Coripharma leitar að einstaklingi sem hefur gaman af vinnu á rannsóknarstofu. Viðkomandi þarf að hafa getu til að vinna sjálfstætt og haga vinnu sinni í samræmi við tímalínur. Stöðugleikadeild er hluti af Þróunarsviði Coripharma og sér um mælingar á stöðugleika lyfja í þróun og á markaði.

Aðalstarf sérfræðings í stöðugleikamælingum eru mælingar á lyfjum, undirbúningur sýna og uppsetning mælinga, mat á stöðugleika lyfja í þróun og á markaði, viðhald og umsjón tækjabúnaðar á rannsóknarstofum ásamt margvíslegum og fjölbreyttum verkefnum tengdum gæðakerfi og skjölun gagna.

Helstu verkefni og ábyrgð

• Undirbúningur sýna og framkvæmd mælinga
• Skráning á niðurstöðum og skjölun á rannsóknarskrám
• Utanumhald og yfirsýn með stöðu verkefna á þróunarstigi og á markaði
• Önnur almenn störf á rannsóknarstofum

Menntunar- og hæfniskröfur

• B.Sc. lyfjafræði, efnafræði, lífefnafræði (B.Sc. í raunvísindum) eða sambærileg menntun sem nýtist í starfi
• Reynsla af störfum á rannsóknarstofu er kostur
• Þekking á HPLC mælingum er kostur
• Hæfni í mannlegum samskiptum
• Nákvæm, öguð og sjálfstæð vinnubrögð
• Góð tölvu, íslensku- og enskukunnátta

Fríðindi

• Mötuneyti
• Sveigjanlegur vinnutími

Hjá Coripharma starfar fjölbreyttur hópur einstaklinga með ólíka menntun og bakgrunn, í dag starfa um 220 einstaklingar hjá fyrirtækinu. Félagið sérhæfir sig í þróun, framleiðslu og útflutningi samheitalyfja ásamt því að sinna verktökuframleiðslu fyrir önnur lyfjafyrirtæki.

Frá því að félagið hóf starfsemi árið 2018 hefur það hafið framleiðslu á 26 lyfjum og er með 21 ný lyf í þróun. Nánari upplýsingar um Coripharma má finna á www.coripharma.is

Með umsókn skal fylgja ferilskrá og kynningarbréf þar sem gerð er grein fyrir ástæðu umsóknar og hæfni viðkomandi til að gegna starfinu rökstudd.