Sérfræðingur í skjölun og utanumhaldi

Coripharma leitar að einstaklingi sem hefur metnað fyrir skipulagi, skráningu og utanumhaldi á gögnum tengt stöðugleikarannsóknum á lyfjum. Viðkomandi þarf að hafa getu til að vinna sjálfstætt og haga vinnu sinni í samræmi við tímalínur. Stöðugleikadeild er hluti af Þróunarsviði Coripharma og sér um mælingar á stöðugleika lyfja í þróun og á markaði.

Aðalstarf sérfræðings í skjölun og utanumhaldi stöðugleikasýna er móttaka sýna, uppsetning geymsluþolsrannsókna, útgáfa gæðaskjala og utanumhald stöðugleikasýna fyrir mælingar.

Helstu verkefni og ábyrgð

• Móttaka sýna
• Uppsetning og framkvæmd stöðugleikarannsókna
• Útgáfa gæðaskjala
• Skráning, eftirfylgni og skipulag á sýnum
• Utanumhald gagna

Menntunar- og hæfniskröfur

• B.Sc. í raunvísindum eða háskólamenntun sem nýtist í starfi
• Reynsla af vinnu í GMP gæðakerfum er kostur
• Þekking á stöðugleikarannsóknum er kostur
• Hæfni í mannlegum samskiptum
• Nákvæm, öguð og sjálfstæð vinnubrögð
• Góð tölvukunnátta
• Góð íslensku- og enskukunnátta

Fríðindi

• Mötuneyti
• Sveigjanlegur vinnutími

Hjá Coripharma starfar fjölbreyttur hópur einstaklinga með ólíka menntun og bakgrunn, í dag starfa um 220 einstaklingar hjá fyrirtækinu. Félagið sérhæfir sig í þróun, framleiðslu og útflutningi samheitalyfja ásamt því að sinna verktökuframleiðslu fyrir önnur lyfjafyrirtæki.

Frá því að félagið hóf starfsemi árið 2018 hefur það hafið framleiðslu á 26 lyfjum og er með 21 ný lyf í þróun. Nánari upplýsingar um Coripharma má finna á www.coripharma.is

Með umsókn skal fylgja ferilskrá og kynningarbréf þar sem gerð er grein fyrir ástæðu umsóknar og hæfni viðkomandi til að gegna starfinu rökstudd.