Laus störf Hæfnileit Vinnustaðir Námskeið

Stykkishólmsbær

Stykkishólmur hefur á síðustu árum orðið að einum vinsælasta áfanga- og áningarstað landsins. Þar kemur margt til, ef til vill vegur þar þungt metnaður bæjarbúa fyrir að varðveita umhverfi sitt og sögu svo komandi kynslóðir fái notið þeirra á sama hátt og við gerum nú. Sú hugsun endurspeglast hvað best í miðbæ Stykkishólms sem óhætt er að vísa til sem safns gamalla húsa. Stykkishólmsbær fékk Skipulagsverðlaunin 2008, sem veitt eru af Skipulagsfræðifélagi Íslands, fyrir deiliskipulag miðbæjar, stefnu og framfylgd hennar og eru bæjarbúar ákaflega stoltir og þakklátir fyrir þá viðurkenningu.

Vinnustaðurinn

Sérfræðingur byggingar- eða skipulagsmál

Eyja- og Miklaholtshreppur, Grundarfjarðarbær, Helgafellssveit og Stykkishólmsbær hafa sameinast um uppbyggingarverkefni innan stjórnsýslu og stofnað nýtt svið umhverfis- og skipulagsmála.

Leitað er eftir kraftmiklum sérfræðingi á sviði byggingar- eða skipulagsmála sem verður staðgengill sviðsstjóra og þátttakandi í uppbyggingu sviðsins.

Menntunar- og hæfniskröfur

Háskólamenntun sem nýtist í starfi. Kostur ef umsækjandi hefur annað hvort réttindi til að starfa sem skipulags- eða byggingarfulltúi eða að menntun veiti umsækjanda tækifæri til að öðlast réttindi sem skipulags- eða byggingarfulltrúi í kjölfar ráðningar

Þekking á góðum stjórnsýsluháttum og reynsla sem nýtist í starfi er kostur

Reynsla af verkefnastjórnun er kostur

Framúrskarandi hæfni í mannlegum samskiptum og samstarfshæfileikar

Góð tölvukunnátta og þekking á stafrænni þjónustu

Skipulagshæfni, skilvirkni og hæfni til að skapa jákvæða þjónustuupplifun viðskiptavina

Skýr sýn um árangurs- og lausnamiðaða nálgun í starfi

Frumkvæði og fagmennska

Góð færni í íslensku

Einlægur áhugi á metnaðarfullu faglegu starfi á málefnasviðinu

Helstu verkefni og ábyrgð

Sinnir annað hvort hlutverki skipulags- eða byggingarfulltrúa sveitarfélaganna.

Vinnur að faglegu starfi sviðsins í samvinnu við sviðsstjóra, en undir sviðið heyra skipulags- og byggingarmál, verklegar framkvæmdir, eignaumsjón og umhverfisverkefni.

Þátttaka í faglegri þróun þessa nýja sviðs.

Samstarf og ráðgjöf við samstarfsfólk á sviðinu og eftir atvikum fagnefndir sveitarfélaganna og bæjarstjóra/oddvita um verkefni sviðsins.

Samskipti við íbúa, opinberar stofnanir og aðra hagsmunaaðila um málefni sviðsins

Ábyrgð á stjórnsýsluframkvæmd innan skilgreinds starfssviðs sem verður mótað nánar við uppbyggingu sviðsins, sem sérfræðingur mun taka þátt í.

Samhliða þessari auglýsingu er auglýst starf sviðsstjóra. Leitað er að öflugum liðsmönnum í bæði störfin, til að mynda öflugt teymi sem mun leiða starfsemi sviðsins. Við ráðningar í bæði störfin sem auglýst eru nú verður litið til heildarsamsetningar á hæfni sem þarf inn á sviðið. Þeim til aðstoðar verða tveir starfsmenn í samtals einu stöðugildi. Undir sviðið heyra ennfremur starfsmenn í áhaldahúsi og eignaumsjón Grundarfjarðarbæjar og Þjónustumiðstöð Stykkishólmsbæjar, auk sambærilegra verkefna hjá Eyja- og Miklaholtshreppi og Helgafellssveit.

- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

Launakjör eru samkvæmt kjarasamningi Sambands íslenskra sveitarfélaga og viðeigandi fagfélags.

Í umsókn skal greina frá menntun, fyrri störfum, hæfni út frá hæfnikröfum starfsins og öðru því sem umsækjandi telur máli skipta og varpað geti ljósi á færni hans til að sinna stöðu sviðsstjóra.

Umsókninni skal fylgja kynningarbréf og ferilskrá.

Nánari upplýsingar um starfið veita:

Jakob Björgvin Jakobsson, bæjarstjóri Stykkishólmsbæjar
[email protected], s. 433 8100

Björg Ágústsdóttir, bæjarstjóri Grundarfjarðarbæjar
[email protected], s. 430 8500

Umsóknarfrestur er til og með 17. maí 2021.

Öllum umsóknum verður svarað.

Eyja- og Miklaholtshreppur, Grundarfjarðarbær, Helgafellssveit og Stykkishólmsbær eru fjögur af þeim fimm sveitarfélögum á Snæfellsnesi sem hlotið hafa EarthCheck umhverfisvottun í rúman áratug. Íbúar eru tæplega 2300 talsins, með þéttbýliskjarnana Grundarfjörð og Stykkishólm.

Á Snæfellsnesi er fjölskrúðug náttúra og gott mannlíf, atvinnuvegir eru fjölbreyttir og samfélagið fjölskylduvænt. Leikskólar, grunnskólar, tónlistarskólar og framhaldsskóli er á svæðinu, lágvöruverslun og góðar samgöngur. Aðstaða er fyrir störf án staðsetningar t.d. fyrir maka. Ferðatími til höfuðborgarinnar er um 1,5 - 2 klst.

Auglýsing birt10. maí 2021

Umsóknarfrestur17. maí 2021

Tungumálahæfni

Engar sérstakar tungumálakröfur

Staðsetning

Hafnargata 3, 340 Stykkishólmur

Starfstegund

Starfsgreinar

Starfsmerkingar

Sambærileg störf (12)