Laus störf Hæfnileit Vinnustaðir Námskeið

Lífeyrissjóður verzlunarmanna

LV er leiðandi lífeyrissjóður sem byggir upp trausta fjárhagslega framtíð sjóðfélaga. Fjármunir sjóðfélaga eru ávaxtaðir með gagnsæjum og ábyrgum hætti með samfélagslega ábyrgð að leiðarljósi. Hjá sjóðnum starfar 56 manna samhent liðsheild þar sem hver og einn nær að nýta hæfileika sína og þekkingu til að sinna krefjandi verkefnum. Áhersla er lögð á fagleg vinnubrögð, þverfaglegt samstarf, góð samskipti, frumkvæði og hæfni til að laga sig að síbreytilegu umhverfi. LV býður upp á góða starfsaðstöðu og starfsumhverfi þar sem áhersla er meðal annars lögð á jafnrétti og jafnvægi milli vinnu og einkalífs. LV hefur hlotið jafnlaunavottun.

Vinnustaðurinn

Sérfræðingur á fjármálasviði

Lífeyrissjóður verzlunarmanna leitar að metnaðarfullum einstaklingi með þekkingu, frumkvæði og áhuga á miðvinnslu til þess að starfa á fjarmálasviði fyrirtækisins.

Um er að ræða fjölbreytt og spennandi starf fyrir aðila sem hefur áhuga og góðan skilning á fjármálum, bankasamskiptum, miðvinnslu og á gott með að tileinka sér nýjungar og umbótahugsun.

Helstu verkefni og ábyrgð

Dagleg skráning og frágangur verðbréfaviðskipta.
Samskipti við innlenda og erlenda vörsluaðila sjóðsins.
Utanumhald eignasafna í samstarfi við eignastýringu.
Afstemmingar og undirbúningur fyrir uppgjör.
Þátttaka ýmissa umbótaverkefna.
Staðgengill fjármálastjóra.
Önnur tilfallandi verkefni.

Menntunar- og hæfniskröfur

Háskólamenntun sem nýtist í starfi.
Haldgóð starfsreynsla af miðvinnslu á fjármálamarkaði.
Reynsla af reikningshaldi og skýrslugerð.
Við leitum að tæknilega sterkum einstaklingi.
Skipulögð og vönduð vinnubrögð.
Frumkvæði, drifkraftur og metnaður.
Talnagleggni, nákvæmni, sjálfstæði og öguð vinnubrögðum.
Hæfni í mannlegum samskiptum og fagleg framkoma.

LV er leiðandi lífeyrissjóður sem styður við fjárhagslega framtíð sjóðfélaga. Starfsemin felst í marvíslegum verkefnum varðandi móttöku iðgjalda, ávöxtun og umsýslu alþjóðlegs eignasafns sem og víðtæka þjónustu við sjóðfélaga. Á liðnu ári greiddi sjóðurinn rúma 40 milljarða í lífeyri til ríflega 27 þúsund sjóðfélaga. Fjármunir sjóðfélaga eru ávaxtaðir með gagnsæjum og ábyrgum hætti með samfélagslega ábyrgð að leiðarljósi. Eignir LV eru ávaxtaðar í fimm eignasöfnum og námu 1.458 milljörðum króna í árslok 2024.

Hjá sjóðnum starfar 66 manna samhent liðsheild þar sem lögð er áhersla á að hver og einn nái að nýta hæfileika sína og þekkingu til að sinna krefjandi verkefnum. Áhersla er lögð á fagleg vinnubrögð, þverfaglegt samstarf, góð samskipti, frumkvæði og hæfni til að laga sig að síbreytilegu umhverfi.

LV býður upp á góða starfsaðstöðu og starfsumhverfi þar sem áhersla er meðal annars lögð á heilbrigt og öruggt starfsumhverfi, jafnræði í stjórnunarstörfum, tækifæra til starfsþróunar og jafnvægi milli vinnu og einkalífs. LV er jafnlaunavottað, hefur sett sér stefnu um sjálfbærni í rekstri sjóðsins og vinnur markvisst að því að skapa umhverfi þar sem allir fá tækifæri til að blómstra.

www.live.is

Umsóknarfrestur er til og með 2. febrúar nk.

Sótt er um starfið á www.vinnvinn.is

Umsókn skal fylgja ferilskrá og ítarlegt kynningarbréf á íslensku þar sem gerð er grein fyrir ástæðu umsóknar og rökstuðningur um hæfni viðkomandi til að gegna starfinu.

Nánari upplýsingar veita Garðar Ó. Ágústsson, ([email protected]) og Jensína K. Böðvarsdóttir, ([email protected]) hjá Vinnvinn.

Auglýsing birt22. janúar 2026

Umsóknarfrestur2. febrúar 2026

Tungumálahæfni