Tryggingastofnun

Tryggingastofnun er þjónustustofnun sem gegnir lykilhlutverki í velferðarþjónustu Íslands. Hlutverk stofnunarinnar er að framfylgja lögum um almannatryggingar, lögum um félagslega aðstoð og lögum um málefni langveikra barna. Hjá TR starfa um 100 starfmenn með hátt menntunarstig og mikla fagþekkingu. Starfsfólki er boðið upp á nútímalegt vinnuumhverfi þar sem ríkir góður starfsandi, sveigjanlegur vinnutími og mikil samvinna.

Vinnustaðurinn

Sérfræðilæknir á örorkusvið TR

Laust er til umsóknar starf læknis hjá Tryggingastofnun (TR). Um er að ræða spennandi og krefjandi starf læknis á örorkusviði.

Umfangsmiklar breytingar á örorku- og endurhæfingarkerfinu, taka gildi þann 1. september nk. en þá mun samþætt sérfræðimat sem er nýtt og heildrænt matskerfi taka við af hefðbundnu örorkumati. Samþætta sérfræðimatið er forsenda fyrir greiðslu örorkulífeyris eða hlutaörorkulífeyris og byggir á alþjóðlegu flokkunarkerfi ICF (International Classification of Functioning, Disability and Health) frá Alþjóðaheilbrigðismálastofnuninni.

TR leitar að lækni í hlutastarf til að sinna læknisfræðilegu mati á umsóknum um samþætt sérfræðimat, þar sem metið er hvort umsækjandi uppfylli skilyrði til örorkulífeyris eða hlutaörorkulífeyris.

Viðkomandi þarf að geta hafið störf sem fyrst eða eftir nánara samkomulagi.

Helstu verkefni og ábyrgð

Framkvæmd læknisfræðilegs mats á umsóknum um örorkulífeyri í samræmi við samþætt sérfræðimat
Veita ráðgjöf í læknisfræðilegum málum, m.a. við mat á umsóknum og túlkun læknisfræðilegra gagna
Taka þátt í öðrum verkefnum sem tengjast læknisfræðilegu mati innan almannatryggingakerfisins, í samvinnu við fagaðila og teymi stofnunarinnar

Menntunar- og hæfniskröfur

Íslenskt læknaleyfi og sérfræðileyfi t.d. í geðlækningum, endurhæfingarlækningum, bæklunarlækningum, heimilislækningum eða annarri sérfræðigrein sem nýtist í starfi
Góð þekking og reynsla af mati á læknisfræðilegum gögnum, helst í tengslum við almannatryggingar, endurhæfingu eða örorkumál
Góð fagleg greiningarhæfni og hæfni til að vinna með flókin mál
Reynsla af samvinnu í þverfaglegum teymum er kostur
Færni í skýrri og vandaðri framsetningu á niðurstöðum og rökstuðningi
Góð samskiptahæfni, jákvæð viðhorf og fagmennska
Vilji til að taka þátt í þróun nýs matskerfis og leggja til faglega innsýn

Hlutverk TR er að framfylgja lögum um almannatryggingar, lögum um félagslega aðstoð og lögum um málefni langveikra barna auk þess að sinna öðrum verkefnum sem stofnuninni eru falin hverju sinni.

Æskilegt er að viðkomandi geti hafið störf sem fyrst eða eftir nánara samkomulagi.

Mat á hæfni umsækjenda byggist á innsendum gögnum og viðtölum við umsækjendur.

Öllum umsóknum verður svarað þegar ákvörðun um ráðningu hefur verið tekin. Nánari upplýsingar um Tryggingastofnun má nálgast á www.tr.is.

Umsókn skal fylgja ferilskrá og ítarlegt kynningarbréf á íslensku um hvers vegna sótt er um starfið, rökstuðningi um færni viðkomandi til að gegna starfinu og upplýsingar um árangur sem viðkomandi hefur náð í fyrri störfum. Allar umsóknir skulu berast í gegnum starfatorg.is.

Auglýsing birt8. ágúst 2025

Umsóknarfrestur29. ágúst 2025

Tungumálahæfni