Laus störf Hæfnileit Vinnustaðir Námskeið

Barna- og fjölskyldustofa

Barna- og fjölskyldustofa er leiðandi í þjónustu í þágu farsældar barna. Hjá stofnuninni starfa um 150 manns í fjölbreyttum störfum á starfsstöðvum á höfuðborgarsvæðinu, á Hellu og í Eyjafjarðarsveit. Stofnunin heyrir undir Barna- og menntamálaráðuneytið. Meginverkefni Barna- og fjölskyldustofu er að veita fræðslu, ráðgjöf og handleiðslu á sviði barnaverndar og samþættingar þjónustu í þágu farsældar barna. Stofnunin leggur mat á væntanlega fósturforeldra, heldur fósturforeldranámskeið ásamt því að veita fósturforeldrum ráðgjöf og stuðning. Veitir börnum, innan barnaverndar, þjónustu sem lýtur að sérhæfðum meðferðarúrræðum (Stuðlar, Lækjarbakki og Bjargey), fjölkerfameðferð MST og starfsemi Barnahúss. Auk þess leggur stofan áherslu á fræðilegar rannsóknir og stuðning við þróunar- og rannsóknarstarf ásamt uppsetningu og innleiðingu á samræmdum gagnagrunni í barnavernd á landsvísu. Meginmarkmið Barna- og fjölskyldustofu: • Veita framúrskarandi þjónustu í þágu farsældar barna með áherslu á gæðaþróun og stafrænar lausnir. • Vera í fararbroddi í fræðslu og leiðsögn við þá sem veita börnum og fjölskyldum þjónustu. • Veita fjölbreytt og sérhæfð úrræði fyrir börn byggð á gagnreyndum aðferðum. • Stofnunin búi yfir fjölbreyttum starfshóp sem er faglegur og kraftmikill.

Vinnustaðurinn

Sálfræðingur í Barnahúsi

Barna- og fjölskyldustofa auglýsir eftir sálfræðingi í Barnahús til þess að vinna með börnum og unglingum sem eru þolendur ofbeldis og fjölskyldum þeirra.

Barnahús sinnir málefnum barna sem grunur leikur á að hafi sætt eða orðið vitni að ofbeldi og nær þjónustan til barna um allt land. Barnahús hefur verið leiðandi í þjónustu við börn, þróun vandaðra vinnubragða og innleiðingu gagnreyndra aðferða.

Sálfræðingar fá þjálfun og handleiðslu í gagnreyndum aðferðum við greiningu á áhrifum áfalla, sálfræðimeðferð (m.a. áfallamiðaðri meðferð) og við framkvæmd rannsóknarviðtala við börn sem grunur leikur á að hafi orðið fyrir ofbeldi.

Helstu verkefni og ábyrgð

Greining og mat, gagnreynd sálfræðimeðferð og ráðgjöf
Rannsóknarviðtöl við börn og unglinga
Ráðgjöf og fræðsla til barnaverndarþjónustu
Skýrslu- og vottorðaskrif
Þátttaka í kynningarstarfi á starfsemi Barnahúss
Ferðalög vegna þjónustu við börn sem eru staðsett utan höfuðborgarsvæðis
Þátttaka í öðrum verkefnum í samráði við forstöðumann Barnahúss

Menntunar- og hæfniskröfur

Íslenskt starfsleyfi sálfræðings er skilyrði
Þekking og reynsla af sálfræðilegri greiningu og gagnreyndum aðferðum
Áhugi á að vinna með börnum og unglingum sem eru þolendur ofbeldis og fjölskyldum þeirra, reynsla á sviði meðferðar barna er kostur
Frumkvæði, skipulagshæfni og sjálfstæð vinnubrögð
Góð samstarfshæfni, sveigjanleiki og jákvætt viðhorf til skjólstæðinga og samstarfsaðila
Góð íslensku- og enskukunnátta skilyrði, önnur tungumálakunnátta er kostur

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Æskilegt er að viðkomandi geti hafið störf sem fyrst. Við úrvinnslu umsókna um starfið gildir mat Barna- og fjölskyldustofu á hæfni og eiginleikum umsækjenda. Vakin er athygli á að stofan aflar sjálf upplýsinga úr sakaskrá áður en viðkomandi hefur störf. Barna- og fjölskyldustofa hvetur öll til að sækja um, óháð kyni.

Með umsókn skal fylgja ítarleg starfsferilskrá og kynningarbréf þar sem gerð er grein fyrir ástæðu umsóknar og hvernig viðkomandi uppfyllir þær hæfniskröfur sem gerðar eru. Öllum umsóknum verður svarað þegar ákvörðun um ráðningu hefur verið tekin. Allar umsóknir gilda í sex mánuði frá birtingu ef starf losnar að nýju innan þess tíma.

Starfshlutfall er 100%

Umsóknarfrestur er til og með 20. apríl

Nánari upplýsingar veita:

Paola Cardenas, forstöðumaður Barnahúss - [email protected] - 530-2500

Geirný Sigurðardóttir, skrifstofustjóri Barnahúss – [email protected] – 530-2500

Auglýsing birt30. mars 2026

Umsóknarfrestur20. apríl 2026

Tungumálahæfni