Laus störf Hæfnileit Vinnustaðir Námskeið

Sjúkrahúsið á Akureyri

Sjúkrahúsið á Akureyri er lifandi og metnaðarfullur vinnustaður þar sem um 800 manns starfa saman í þverfaglegum teymum og samstarfi ólíkra fagstétta. Sjúkrahúsið gegnir lykilhlutverki í bráðaþjónustu og sérhæfðum meðferðum og er miðstöð læknisfræðilegrar þjónustu sjúkraflugs á Íslandi. Á sjúkrahúsinu er veitt framúrskarandi heilbrigðisþjónustu með áherslu á fagmennsku, umhyggju og samvinnu. Dýrmæt tækifæri til að vinna í sérhæfðu og fjölbreyttu starfsumhverfi og þróa faglega hæfni þar sem áhersla er lögð á lærdóm, fagmennsku og mannlega nálgun. Komdu í lið með okkur og taktu þátt í að gera Sjúkrahúsið á Akureyri enn betra! Við tökum vel á móti nýju starfsfólki.

Vinnustaðurinn

Sálfræðingur á dag- og göngudeild geðdeildar við Sjúkrahúsið á Akureyri

Laus er til umsóknar staða sálfræðings við dag- og göngudeild geðdeildar á Sjúkrahúsinu á Akureyri (SAk). Frábært tækifæri til að taka þátt í innleiðingu og mótun umbótarvinnu á góðum vinnustað þar sem starfsumhverfið er fjölbreytt, spennandi og krefjandi. Í því felst frekari mótun sálfræðivinnunnar á göngudeild geðdeildar. Um er að ræða 80-100% ótímabundna stöðu í dagvinnu og er æskilegt að umsækjandi geti hafið störf sem fyrst.

Undanfarin misseri hefur dag- og göngudeild geðdeildar staðið í mikilli umbótarvinnu á starfsemi sinni. Þar fer fram fjölbreytt og mikilvæg starfsemi til meðferðar og stuðnings við skjólstæðinga 18 ára og eldri. Einn af hornsteinum starfseminnar er teymisvinna þar sem unnið er þvert á fagstéttir en þar eru sálfræðingar mikilvægur hluti af starfseminni.

Helstu verkefni og ábyrgð

Mat og meðferðarvinna skjólstæðinga og þjónusta við þá í formi einstaklings- og hópameðferðar, m.a. út frá hugmyndafræði HAM og DAM
Samvinna við skjólstæðinga, fjölskyldur og samstarfsfólk þvert á faggreinar með það að markmiði að veita sem besta þjónustu við viðkomandi og/eða fjölskyldu hans
Samstarf við aðrar starfsstéttir og þátttaka í teymisvinnu
Ábyrgð á þróun starfs og gæðum þjónustu gagnvart skjólstæðingum
Þátttaka í starfsþjálfun og handleiðslu nema og nýrra starfsmanna ásamt miðlun fræðslu
Þátttaka í þróun sinnar einingar hvað varðar skipulag, stefnumótun og framkvæmd starfseminnar
Fagleg tengsl og samráð við samstarfsaðila innan og utan stofnunar
Heldur utan um skýrslur og skráir upplýsingar í þar til gerð sjúkraskrárkerfi um meðferð skjólstæðinga, tryggir að allar upplýsingar séu skráðar með viðeigandi lögum og reglum og árangursmetur þjónustuna og þróun hennar.

Menntunar- og hæfniskröfur

Umsækjandi skal hafa fullgild réttindi og íslenskt starfsleyfi sálfræðings
Hafa reynslu af greiningu og meðferð fullorðinna einstaklinga með geðraskanir
Reynsla af því að stýra og sinna hópameðferðum er kostur
Leitað er eftir sálfræðingi með þjálfun í hugrænni atferlismeðferð og reynslu af beitingu hennar sem og reynslu af öðrum meðferðum svo sem áfallameðferð
Reynsla af þverfaglegri teymisvinnu heilbrigðisstétta er kostur
Auk fagþekkingar er lögð áhersla á frumkvæði, sjálfstæði og skipulögð vinnubrögð og að viðkomandi hafi hæfileika á sviði samskipta og samvinnu.
Gerð er krafa um vammleysi, s.s. að vera með gott orðspor og að framkoma og athafnir á vinnustaða og utan hans samrýmist starfinu
Hreint sakavottorð

Fríðindi í starfi

velferðartorg, heilsustyrkur, samgöngustyrkur

Allar umsóknir þurfa að fara rafrænt í gegnum ráðningarkerfi ríkisins. Umsóknum skulu fylgja ítarlegar upplýsingar um nám og starfsferilskrá ásamt afriti af prófskírteinum og starfsleyfi, ef við á. Tekið er mið af jafnréttisstefnu Sjúkrahússins á Akureyri við ráðningar í störf á sjúkrahúsinu. Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum. Öllum umsóknum verður svarað.

Sjúkrahúsið á Akureyri veitir alþjóðlega DNV-GL vottaða heilbrigðisþjónustu með ISO vottuðu gæðastjórnunarkerfi þar sem áhersla er á virka þátttöku allra starfsmanna til að uppfylla þær gæðakröfur sem gerðar eru í alþjóðlegum staðli sem sjúkrahúsið er vottað eftir.

Samkvæmt mannauðsstefnu Sjúkrahússins á Akureyri er lögð áhersla á að ráða til starfa og halda í hæfileikaríka einstaklinga. Við val á starfsfólki er menntun, reynsla, færni og hæfni höfð að leiðarljósi. Mannauðsstefnan er leiðarljós stjórnenda og starfsfólks sem gerir sjúkrahúsið framsækinn og eftirsóknarverðan vinnustað, en hún byggir á grunngildum sjúkrahússins sem eru: ÖRYGGI, SAMVINNA og FRAMSÆKNI.

Auglýsing birt30. september 2026

Umsóknarfrestur15. október 2026

Tungumálahæfni