Rekstrarstjóri á mennta- og lýðheilsusviði

Hafnarfjarðarbær óskar eftir að ráða öflugan og metnaðarfullan einstakling í starf rekstrarstjóra á mennta- og lýðheilsusviði. Um er að ræða áhugavert og krefjandi starf í lifandi og framsæknu starfsumhverfi við að skapa bestu mögulegu skilyrði fyrir börn og ungmenni í Hafnarfirði. Rekstrarstjóri heyrir undir sviðsstjóra mennta- og lýðheilsusviðs.

Helstu verkefni og ábyrgð:

• Ábyrgð á gerð fjárhagsáætlunar í samstarfi við sviðsstjóra og stjórnendur.
• Eftirfylgni með rekstri, frávikagreiningar og umbætur.
• Rekstrarráðgjöf til stjórnenda sviðsins og stuðningur við ákvarðanatöku.
• Vinna að hagkvæmni og samlegð á rekstri starfsstöðva í samstarfi við stjórnendur.
• Úrvinnsla og framsetning tölfræðilegra gagna um árangur og líðan barna í skóla- og frístundastarfi.
• Samskipti og samstarf við hagdeild og mannauðs- og launadeild.
• Þátttaka í innleiðingu rafrænnar stjórnsýslu og nýrra stafrænna verkfæra.

Menntunar- og hæfniskröfur:

• Grunn- og meistarapróf s.s. á sviði fjármála, viðskiptafræði, hagfræði eða tölfræði.
• Reynsla af fjárhagsáætlanagerð, rekstrareftirliti og greiningarvinnu.
• Framúrskarandi kunnátta í Excel og tengdum greiningarforritum.
• Reynsla af opinberri stjórnsýslu er kostur.
• Afburðagóð samskipta- og samstarfshæfni.
• Rík þjónustulund, jákvæðni og lausnamiðuð hugsun.
• Frumkvæði, sjálfstæði og skipulagshæfni.
• Geta til að tileinka og miðla nýjungum á sviði stafrænnar þjónustu.
• Góð íslensku- og enskukunnátta í ræðu og riti.

Umsóknarfrestur er til og með 28. október 2025. Umsókn óskast fyllt út á www.hafnarfjordur.is
og þarf henni að fylgja ferilskrá og ítarlegt kynningarbréf þar sem gerð er grein fyrir hæfni umsækjanda sem nýtist í starfi. Öllum umsóknum verður svarað að ráðningu lokinni.

Laun eru samkvæmt kjarasamningi Sambands íslenskra sveitarfélaga við BHM.

Nánari upplýsingar veita Fanney Dóróthe Halldórsdóttir, sviðsstjóri mennta- og lýðheilsusviðs ([email protected]) og Thelma Kristín Kvaran ([email protected]) í s: 511 1225.

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins.