Skrifstofa þjónustu og sértækrar ráðgjafar ber ábyrgð á sértækri félagslegri ráðgjöf og þjónustu til fullorðins fatlaðs fólks, eldra fólks og aðstandenda. Auk þess rekur skrifstofan miðlæga starfseiningu, Miðjuna, sem hefur yfirumsjón með framkvæmd allrar stuðnings- og stoðþjónustu velferðarsviðs. Miðjan sér um framkvæmd úrræða sem veitt eru á grundvelli reglna um stuðning við börn og fjölskyldur, reglna um stuðningsþjónustu fyrir fullorðið fólk og stoðþjónustu fyrir fullorðið fatlað fólk með langvarandi stuðningsþarfir. Mat á stuðningsþörfum og úthlutun þjónustu fer ýmist fram í könnunar- og meðferðarteymi barnaverndarþjónustu, barna- og fjölskylduteymi og virkniteymi á skrifstofu ráðgjafar eða teymi sértækrar ráðgjafar og þjónustu til fullorðins fólks.