Origo leitar að sérfræðingi í stjórnun og öryggi notendabúnaðar.

Ert þú lausnamiðaður tæknisérfræðingur með brennandi áhuga á öryggi og stjórnun notendabúnaðar? Langar þig að vinna með öflugu teymi sem þjónustar mörg af stærstu fyrirtækjum landsins og hefur raunveruleg áhrif á öryggi og skilvirkni í upplýsingatækni? Þá viljum við heyra frá þér!

Við leitum að sérfræðingi sem mun þróa áfram og reka lausnir fyrir öruggan og skilvirkan rekstur tækja í blönduðu Microsoft, Linux og Mac umhverfi. Starfið felur í sér náið samstarf við viðskiptavini og teymi sérfræðinga innan Origo, með áherslu á stöðugar umbætur, sjálfvirknivæðingu og öryggisvitund.

Viðkomandi mun vinna með lausnir á borð við Microsoft Intune, Defender for Endpoint, Trend Micro, Palo Alto ásamt fleiri lausnum, sem gegna allar lykilhlutverki í rekstri og öryggisstýringu hjá viðskiptavinum Origo.

Helstu verkefni og ábyrgð

• Umsjón og þróun á lausnum fyrir stjórnun og öryggi notendabúnaðar (t.d. Microsoft Intune, Defender for Endpoint, Autopilot, HCL BigFix, Trend Micro og Palo Alto)

• Innleiðing og viðhald á stefnum og reglum fyrir tæki og notendur (compliance policies, configuration profiles, dreifing hugbúnaðar)

• Greining og viðbrögð við öryggisatvikum tengdum notendabúnaði

• Þátttaka í mótun framtíðarsýnar og bestunar á lausnum fyrir notendabúnað hjá Origo og viðskiptavinum sem og einföldun á núverandi rekstrarumhverfi

• Þróun sjálfvirkra ferla og skriftur (t.d. PowerShell) til að auka skilvirkni og öryggi

• Ráðgjöf og fræðsla til viðskiptavina og samstarfsfólks um bestu starfsvenjur í öryggi og stjórnun notendabúnaðar

Menntunar- og hæfniskröfur

• Að minnsta kosti 5 ára reynsla af stjórnun og/eða öryggi notendabúnaðar í Microsoft umhverfi eða sambærilegum lausnum

• Djúp þekking á Microsoft Intune, Microsoft Defender for Endpoint og M365 öryggislausnum

• Þekking á HCL BigFix og Trend Micro lausnum er kostur en ekki krafa

• Þekking á sjálfvirknivæðingu með PowerShell

• Reynsla af innleiðingu og viðhaldi á öryggisstefnum og reglum fyrir notendabúnað

• Lausnamiðuð og skipulögð vinnubrögð, með áherslu á einföldun og stöðlun

• Góð samskipta- og ráðgjafahæfni

• Tæknilegar vottanir (t.d. MS-102, SC-300, MD-102) eru kostur

Fríðindi

• Framúrskarandi vinnuaðstaða

• Öflug velferðar-og heilsustefn

• Líkamsræktaraðstaða

• Frábært mötuneyti

• Styrkir s.s. íþróttastyrkur, samgöngustyrkur o.fl.

Við sköpum öruggt forskot með tækni og hugviti. Með snjöllum og öruggum lausnum hjálpum við fyrirtækjum og stofnunum að öðlast forskot í stafrænum heimi sem er á fleygiferð. Hjá okkur starfa um 260 manns sem vinna saman að því að skapa betri tækni sem bætir líf fólks. Við leggjum áherslu á liðsheild, fagmennsku og stöðuga þróun.

Fylgdu okkur á samfélagsmiðlum til að læra meira um vinnustaðinn.

Allar umsóknir og fyrirspurnir verða meðhöndlaðar sem trúnaðarmál. Nánari upplýsingar veitir Arnþór Björn Reynisson, forstöðumaður Veitulausna.
Netfang: [email protected]
Linkedin: https://www.linkedin.com/in/arnthorbjornreynisson