Öryggisverðir í hafnarþjónustu
Öryggismiðstöðin leitar eftir einstaklingum í öryggisgæslu á höfninni á höfuðborgarsvæðinu. Starfið felur í sér að tryggja öryggi og eftirlit á svæðinu ásamt því að sinna daglegum verkefnum á höfninni. Æskilegt er að viðkomandi geti hafið störf í maí og sé tilbúin/n í hlutastarf með möguleika á fullu starfi.
Starfið er á sviði Mannaðra lausna sem veitir fjölbreytta þjónustu öryggisvarða, meðal annars útkallsþjónustu, vaktferðir, verðmætaflutninga og almenna öryggisgæslu fyrir viðskiptavini Öryggismiðstöðvarinnar. Um er að ræða starf á samhentum, traustum og metnaðarfullum vinnustað.
Við leitum að einstaklingum til starfa sem geta unnið sjálfstætt en einnig í liði, hafa ástríðu fyrir öryggi og velferð annarra, eru jákvæðir og geta tekið ákvarðanir skjótt og vel.
- Hafnargæsla við skemmtiferðarskip
- Landamæraeftirlit við höfnina, tryggja öryggi innan svæðis
- Skanna verðmæti og tryggja öryggi og flutning á þeim
- Afhending á vörum milli svæða
- Samskipti við viðskiptavini
- Almenn öryggisgæsla og önnur skyld störf á vegum fyrirtækisins
- Almenn ábyrgð á öllum búnaði sem öryggivörður hefur til umráða hverju sinni
- Önnur tilfallandi verkefni
- Rík þjónustulund
- Hæfni í mannlegum samskiptum
- Sjálfstæð og öguð vinnubrögð
- Geta til að vinna undir álagi
- Íslensku- og enskukunnátta
- Gild ökuréttindi
- Lágmarksaldur 20 ár