Öflugur bókari
Ert þú nákvæm, jákvæð og töluglögg manneskja sem elskar að færa bókhald og vilt vinna í öflugu teymi í fallegu og líflegu húsi?
Fjármálasvið Hörpu leitar að öflugum bókara í fullt starf.
Bókari Hörpu vinnur bókhald, afstemmingar og frágang bókhalds fyrir mánaðar-, árshluta og ársuppgjör fyrir félagið og dótturfélög. Bókari hefur hlutverk „super user“ á bókhaldskerfi félagins, í því felst meðal annars að úthluta aðgangsheimildum í kerfið, tileinka sér framúrskarandi hæfni í kerfinu og geta leiðbeint öðrum notendum.
Um er að ræða fjölbreytt ábyrgðarstarf fyrir einstakling sem er mjög nákvæmur, lipur í mannlegum samskiptum, tilbúinn að tileinka sér nýjungar og hefur metnað til að ná góðum árangri.
- Færsla á bókhaldi; fjárhags-, verk- og lánadrottna- og viðskiptamannabókhald
- Útgáfa sölureikninga
- Uppgjör og afstemmingar miðasölu að loknum viðburðum og uppfærsla sölugagna
- Frágangur gagna fyrir mánaðar-, árshluta- og ársuppgjör
- Afstemmingar og skil á gögnum til endurskoðenda
- Úrvinnsla tölulegra upplýsingar og upplýsingagjöf
- Þátttaka í umbótaverkefnum á fjármálasviði
- Góð almenn menntun sem nýtist í starfi, háskólapróf er kostur
- Lágmark 4 ára starfsreynsla sem nýtist í starfið
- Þekking og reynsla af Microsoft Dynamics 365 Business Central bókhaldskerfinu
- Mjög góð almenn tölvukunnátta og mikil færni í Excel
- Reynsla af umbóta- og teymisvinnu er kostur
- Mjög gott vald á íslensku og gott vald á ensku
- Nákvæm, öguð og sjálfstæð vinnubrögð
Samgöngusamningur eða bílastæði, gott mötuneyti, símastyrkur, íþróttastyrkur og frábært starfsmannafélag
Íslenska
Enska
