NPA aðstoðarkona óskast í tímabundið starf í Hafnafirði

Ég leita að aðstoðarkonu sem er tilbúin að sinna stuttum morgunvöktum 5–6 daga vikunnar í tímabundnum afleysingum frá 27. apríl til 8. maí. Um er að ræða starf sem samsvarar um það bil 50% starfshlutfalli.

Starfið er á heimili mínu í Hafnarfirði og felur í sér persónulega aðstoð við morgunverk, létt heimilisverk og daglegt líf.

Ég leita að manneskju sem er:

• áreiðanleg og stundvís

• jákvæð og sveigjanleg í samskiptum

• sjálfstæð í vinnubrögðum

• tilbúin að vinna náið með mér í daglegu lífi

Starfið byggir á hugmyndafræðinni um sjálfstætt líf og eru laun samkvæmt sérkjarasamningum NPA miðstöðvarinnar við Eflingu og Starfsgreinasambandið.

Nánari upplýsingar um NPA og starfskjör má finna á npa.is.