Laus störf Hæfnileit Vinnustaðir Námskeið

Alvotech hf

Alvotech er fjölþjóðlegt hátæknifyrirtæki í fremstu röð. Meira en 1400 starfsfólk af um 70 þjóðernum sameinast um að móta framtíðina á sviði líftæknilyfja og tryggja sjúklingum um allan heim betra aðgengi að hágæða lyfjum. Meðal starfsfólks eru margir af færustu vísindamönnum landsins. Við leyfum fjölbreytileika, forvitni og frumkvæði starfsfólks að njóta sín. Við bjóðum aðlaðandi starfsumhverfi í stöðugri mótun og ögrandi verkefni. Alvotech tryggir að jafnrétti kynjanna til launa og frama nái til alls starfsfólks, hérlendis jafnt sem erlendis. Við viljum laða að okkur færasta fólkið á hverju sviði, án tillits til uppruna eða kyns. Með þessum hætti getum við best þjónað hagsmunum sjúklinga og samstarfsaðilum okkar. Vertu með okkur í að bæta lífsgæði fólks og auka aðgengi að hagkvæmum líftæknilyfjum.

Vinnustaðurinn

Matreiðslumeistari Alvotech Bistro

Viltu móta framtíðina með okkur?

Líf og starf okkar hjá Alvotech gengur út á að bæta lífsgæði fólks. Við leggjum ríka áherslu á vellíðan okkar starfsfólks og holl og góð næring leikur lykilhlutverk í þeirri vegferð. Nú leitum við að öflugum matreiðslumeistara til að leiða Alvotech Bistro.

Við erum ört vaxandi fyrirtæki með aðsetur að Sæmundargötu 15-19 í Vatnsmýrinni í Reykjavík. Við erum með frábært eldhús og mötuneyti í fallegu rými á efstu hæð höfuðstöðvanna. Starfsmönnum fyrirtækisins fjölgar ört, en daglega snæða að jafnaði um 350 manns í mötuneytinu.

Vinna er hafin við stækkun á húsnæði fyrirtækisins í Vatnsmýri. Það mun fela í sér breytingar á skipulagi eldhúss og mötuneytis sem gefur nýjum aðila frábært tækifæri að þróa framtíðaraðstöðu fyrir eldhúsið og mötuneytið.

Menntunar- og hæfniskröfur

Menntun á sviði matreiðslu nauðsynleg

Reynsla af rekstri mötuneytis í stóru fyrirtæki, á hóteli eða reynsla í sambærilegu starfi.

Reynsla af mannaforráðum.

Ástríða fyrir fjölbreyttri matargerð, vegan- og grænmetisréttum þar með talið.

Rekstrarreynsla og rík kostnaðarvitund.

Lipurð og sveigjanleiki í samskiptum.

Metnaður og sjálfstæð vinnubrögð og áhugi á að taka þátt í breytingum og uppbyggingu.

Góð enskukunnátta er skilyrði.

Helstu verkefni og ábyrgð

Að leiða teymi metnaðarfullra starfsmanna í að matreiða hollan og fjölbreyttan mat.

Ábyrgð á daglegum rekstri mötuneytis þ.m.t. samninga við birgja og nýting á hráefni.

Ábyrgð á vinnuskipulagi, verkaskiptingu og vaktafyrirkomulagi.

Ástríða fyrir að hafa umhverfissjónarmið að leiðarljósi, draga úr matarsóun og minnka kolefnisfótspor.

Taka þátt í að þróa og hanna Alvotech Bistro og Alvotech Café til framtíðar og tryggja jákvæða og góða upplifun starfsmanna.

Alvotech er fjölþjóðlegur vinnustaður þar sem lögð er áhersla á að bjóða upp á fjölbreyttan, hollan og góðan mat, hvort sem er um að ræða hádegisverð eða tilbúna rétti fyrir starfsfólk í vaktavinnu. Við elskum fjölbreytileika, en fjölþjóðlegur bakgrunnur starfsmanna okkar sem koma frá 45 löndum, setur einstakan brag á fyrirtækið og menningu þess.

Auglýsing birt5. október 2021

Umsóknarfrestur14. október 2021

Tungumálahæfni

Engar sérstakar tungumálakröfur

Staðsetning

Sæmundargata 15-19 15R, 101 Reykjavík

Starfstegund

Hæfni